Ժնևում կկայանա «2019 թ. IPI միջազգային կոնգրեսը»․ Արիանա (Արմենուհի) Հովսեփյանը հրավիրվածների թվում է

NEWSPRESS.am-ի հիմնադիր-տնօրեն Արմենուհի (Արիանա) Հովսեփյանը հրավեր է ստացել IPI միջազգային կազմակերպության կողմից՝ մասնակցելու Ժնևում կայանալիք կոնգրեսին:

Հրավերի տեքստում մասնավորապես նշված է.

«Հարգելի՛ Արմենուհի,

Ժնևի «2019 թ.-ի IPI միջազգային կոնգրեսն» ընդամենը երեք ամսվա պատմություն ունի, սակայն արդեն իսկ կարող ենք փաստել, որ այն դառնալու է հիշարժան իրադարձություն: Ահա, թե ինչու չպետք է բաց թողնել այս առիթը:

Կոնգրեսը կբացվի հունիսի 4-ին, Ժնևում ՄԱԿ-ի Ժնևյան գրասենյակի պատմական պալատներում: Այն մեկ անգամ ևս նշանավորելու է լրագրողների քաջությունը և անկախ լրագրության ուժը` աշխարհի կարևորագույն, բազմակողմ դիվանագիտական կենտրոններից մեկում:

IPI-ի ավանդական նիստում, ինչպես նաև հունիսի 4-ին, առաջատար խմբագիրները և լրագրողները կքննարկեն լրագրության ապագան և այն, թե ինչպես կարող ենք ձևավորել գլոբալ, տարածաշրջանային և տեղական դաշինքներ` ազատ մամուլը պաշտպանելու համար:

Համագործակցելով եվրոպական հեռարձակողների միության (EBU), հանրային լրատվամիջոցների աշխարհի առաջատար դաշինքի հետ՝ կզարգացվի և կհարստացնի մամուլի ազատության վերաբերյալ երկխոսությունը:

Բանախոսների միջև տեղի կունենա նաև փորձի փոխանակում, թե ինչպես են համայնքներն ու գործընկերներն աջակցում նորությունների հավաքագրմանը և հաշվետվողականությանը:

Մասնակիցները հնարավորություն կունենան հանդիպել և շփվել ավելի քան 40 երկրի առաջատար լրատվամիջոցների և կազմակերպությունների՝ շուրջ 200 մասնագետի հետ»: