Դըմփ-դըմփ հու-ն փոխարինվել է Աննայի կըտ-կըտ-ներով. ինչ էր հագել նա երթի ժամանակ

Որոշ ժամանակ առաջ առաջին տիկին Աննա Հակոբյանը մի ոճաբան ուներ՝ Սոֆյա Նավասարդյան անունով: Այս կինը Աննայի հագուկապի մասին խոսելիս ասել էր, թե նրա հետ աշխատելը հետաքրքիր է, քանի որ Աննան չունի ոճային մերժումներ՝ բացառությամբ ավելորդ ճոխությունների։ «Տիկին Աննան ունի ներդաշնակ հոգեկերտվածք, շատ կայուն պսիխո-էմոցիոնալ վիճակ, հստակ նպատակներ, և հենց դա էլ ապահովում է իր կերպարի ավարտուն տեսքը, որը կարճ կարելի է անվանել պարզ էլեգանտություն»,- ասել էր Սոֆյան։

Հստակ ինֆորմացիա չունենք՝ Սոֆյան շարունակո՞ւմ է իր կարծիքին մնալ, թե՞ հասցրել է փոխել է տեսակետը, բայց պարզ էլեգանտությունը փոխակերպվել է պարզունակության:

Աննան չգիտի՝ որտեղ ինչ պետք է հագնի և ինչու: Պրոտոկոլ ասվածի վրա բոլորովին խաչ է քաշված և տպավորություն է, որ մասնագետներ չեն աշխատում նրա հետ:

Առաջին դեմքերի հագուկապը շատ կարևոր նշանակություն ունի և ինչպես տատերից եկած խոսք գոյություն ունի՝ «շորով դիմավորում են, խելքով ճանապարհում», և քանի որ խելքի տեսանկյունից առանձնապես չեն փայլում, գոնե պետք է շորի ընտրության հարցում շատ չսխալվել:

Այսօր մարտի 1-ի զոհերի հիշատակի առթիվ կազմակերպված երթի ժամանակ Աննա Հակոբյանի տեսքն ու կրունկների ձայնը պարզապես անհարգալից վերաբերմունք էր զոհվածների հարազատների հանդեպ: Տիկինն այնպես պճնված և տոնական տեսք ուներ, կարծես ամուսնու վարչապետությունը տոնելու էր գնացել:

Դըմփ-դըմփ հու-ն էլ փոխարինվել էր Աննայի կըտ-կըտ-ներով: Ուշադրությունն իրենց վրա հրավիրող երկարաճիտ կարմիր կոշիկներով, ձեռքի տոնական պայուսակով, եղանակին անհամապաատասխան պիջակով Աննան պետք է գնար ընկերուհիների հետ զվարճանալու, ոչ թե երթին մասնակցելու: Ժողովրդի ուժով իշխանության եկած այս ընտանիքը անարգում է նույն ժողովրդին, իսկ դեռեւս թմբիրի մեջ ապրող հանրությունը գնում է նրանց հետևից և հույսեր կապում նրանց հետ:

Սթափվե՛ք:

NEWSPRESS.am