Կարգին Հայկո, այդ դու ժողովրդին բաժանեցիր սևերի ու սպիտակների. Արիանա Հովսեփյան

Միջազգային երկու խորոշագույն լրատվական կառույցների՝ SEEMO-ի և IPI-ի խորհուրդների անդամ, NEWSPRESS.am լրատվական կայքի հիմնադիր Արիանա Հովսեփյանը ֆեյսբուքյան իր էջում գրել է. 

«Նայում եմ համացանցում տիրող մթնոլորտն ու ապշում. այս ինչքան փոխեց մեր հանրությանն այս հեղափոխությունը, ինչքան փոփոխվեց մեր արժեհամակարգը, որ դարձանք այսքան վատը, վատատեսը ու չկամեցողը:

Կարգին Հայկո, այդ դու ժողովրդին բաժանեցիր սևերի ու սպիտակների:

Այդ դու մեծ ջրբաժան քաշեցիր բոլորիս միջև:

Այդ դու էիր, որ սկիզբ դրեցիր տարանջատմանն ու ներողություն իսկ չխնդրեցիր:

Այդպես էլ մնաց, մարդիկ այսօր Կարգին Հայկոյի պատճառով սևերի ու սպիտակների են բաժանված, ժողովուրդը բաժանվել է թիմերի, թայֆեքի և, ըստ էության, հեշտությամբ կառավարվող զանգված դարձել:

Լավ, այսպե՞ս մինչ ուր պետք է հասնենք, ի՞նչ տվեց մեզ այս հեղափոխությունը, Սերժի ասած, գաղջ մթնոլորտը միայն սրացավ: Այսքանը:

Համացանցում տեսնում ենք օրը մեկին ոստիկանություն են կանչում գրառման կամ արված հայտարարության համար, պաշտոնից ազատում են չենթարկվելու և մասնագիտական կամք ցուցաբերելու համար, ո՞ւր են հավասար իրավունքները, ինչո՞ւ են ամեն քայլափոխի նոր իշխանությունները ոտնահարում մարդու իրավունքները, փորձում ստորացնել, փչացնել ու դեն նետել մարդկանց:

Պարոնա՛յք նորեկներ, դուք ձեր գռեհկությամբ, ձեր ամբիցիաներով անցնում եք անգամ հներին, որոնց մշտապես ինքներդ եք քննադատել՝ անձրևանոց բռնող, վերարկու հագցնող, կառավարական ամառանոցներից ու տներից օգտվող, թանկարժեք ծառայողական մեքենաներ, խնջույքներ, անվտանգության աշխատակիցներ, լա՛վ, ո՞ւր եք գնում այսպես, տապալում եք այս ժողովրդի այն հավատը, որ կարող էր դուրս գալ փողոց ու իր կյանքում մի բան փոխեր, հիմա ի՞նչ եք փոխել մեր ուսանողների կյանքում, տատիկ, պապիկների կյանքում, ինչ է փոխվել այն 300.000 աշխատողների կյանքում, եթե ոչ միայն հացի, պարենային ապրանքների թանկացումը, գազի գնի մոտալուտ թանկացումն ու աշխատավարձերի չբարձրացող սանդղակը:

Սա էր սիրո ու հանդուրժողականության հեղափոխությունը, խաբեցիք դուք ժողովրդին, նորից կոտրեցիք մարդկանց հույսերը:

Զավեշտ հիշեցնող բռնոցի-բաց թողոցիներն արդեն սպառել են իրենց, այլևս դժվար է ձեզ՝ զսպել մարդկանց ցասումն ու բողոքը, այսպես շարունակելու դեպքում ձեր հեղափոխությունը երկար կյանք չի ունենա:

Հեղափոխվե′ք իշխանականներ, այլապես այս ժողովրդի անեծքի տակ եք մնալու»: