Պատասխանատվության կանչելու փոխարեն՝ Ալիկին քաջալերում են
ՀՀ նախագահ Արմեն Սարգսյանի հրամանագրով՝ Ալիկ Արզումանյանը նշանակվել է Շվեդիայում ՀՀ դեսպան։ Հիշեցնենք, որ նա համատեղության կարգով դեսպան էր նաև Դանիայում և Նորվեգիայում։ Հրամանագրում կարդում ենք․ «Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի՝ Ալեքսանդր Արզումանյանին նշանակել Շվեդիայի Թագավորությունում Հայաստանի Հանրապետության արտակարգ և լիազոր դեսպան (նստավայրը՝ Ստոկհոլմ)՝ համատեղության կարգով նրա վրա թողնելով Դանիայի Թագավորությունում և Նորվեգիայի Թագավորությունում Հայաստանի Հանրապետության արտակարգ և լիազոր դեսպանի լիազորությունների կատարումը»։
Ալիկ Արզումանյանը Լևոն Տեր-Պետրոսյանի կադրերից է համարվում, որքան էլ կա հակառակ փաստն առ այն, որ դեսպանական աշխատանքի նշանակվել է Սերժ Սարգսյանի նախագահության օրոք։ 1996-98-ին եղել է ՀՀ ԱԳ նախարար և հրաժարական է տվել Լևոն Տեր-Պետրոսյանի հրաժարականից հետո նրա թիմի մնացած անդամների հետ միասին։ Սա այն ժամանակն է, երբ Լևոն Տեր-Պետրոսյանն ակտիվորեն զարգացնում էր Ղարաբաղյան կարգավորման այն կոնցեպտը, որը և դարձավ հիմք նրա հրաժարականի համար։
2001-ին Ալիկ Արզումանյանին տեսնում ենք արդեն որպես հայ-թուրքական հաշտեցման հանձնաժողովի հիմնադիր, իսկ ահա 2014-ի դեկտեմբերի 4-ին նա այն յոթ պատգամավորներից մեկն էր, ով դեմ է քվեարկել Հայաստանի՝ ԵԱՏՄ անդամակցությանը։ Ալիկ Արզումանյանը մարտի 1-ին տեղի ունեցած զանգվածային անկարգությունների հետ կապված ունի ուղղակի առնչություն։
Հրապարակված են ձայնագրություններ, որտեղ Ալիկ Արզումանյանն անթաքույց ուրախությամբ է խոսում այդ մարտի 1-ի դեպքերի մասին, հիշում նույնիսկ թե «Լֆիկի» օբյեկտներից ինչ սնունդ են ստացել որ կերել են և այլն։
Հիմա, երբ կրկին ասպարեզ է բերվել մարտի 1-ի գործը, որը նոր իշխանությունների կողմից ծառայեցվում է որպես քաղաքական բռնաճնշումների գործիք, այդպիսով անարգելով զոհերի հիշատակը նախ և առաջ, հարց է առաջանում՝ իսկ ինչպես եղավ, որ Ալիկ Արզումանյանին Հայաստան կանչելու, Մարտի 1-ի գործի շրջանակներում հարցաքննելու փոխարեն, մի բան էլ դեսպանական սպասարկման տարածքն է ընդլայնվում ու այս ինչ ընտրովի արդարադատության իրականացման ականտեսն ենք լինում բոլորս։
Վերին Լարսը փակ է. Վրաստանը տարհանում է տեղի բնակիչներին (տեսանյութ)
Մեր պետական կառույցներում չգիտե՞ն, թե փայլաթիթեղն ինչ նպատակով կարող է օգտագործվել Ադրբեջանում
Ադրբեջանը Հայաստանի գյուղերում ուսումնասիրություն է իրականացրել, որում Արարատի Նորամարգ գյուղը ներկա...
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Չամարձակվեք այլևս Ծառուկյանի անունը տալ, դուք «պրավալ» տվեցիք, հիմա փորձում եք մեղքը գցել Ծառուկյանի...
Ինչո՞ւ են «Գադիան» գրուպի մրցակից պահնորդներին զենքի քննությունից «աջ ու ձախ կտրում». ի՞նչ կապ ունի ...
Կարծում եք՝ պատից նկարը հանելով՝ հերոսի՞ն էլ եք ջնջելու. ջնջել են Ալբերտ Հովհաննիսյանի նկարը
Հայաստանի անկախությունը՝ Ադրբեջանի դրոշի գույների ներքո․ պատահականությո՞ւն, թե՞ քաղաքական ուղերձ (տե...
Հղի կնոջը հիվանդանոց տեղափոխելիս սկսել է ծննդաբերությունը․ բժշկական կենտրոնում պտուղը ծնվել է մահացա...
