Գնացքդ վաղուց է գնացել. աղմկում ես, որ ի՞նչ անես

Պետական եկամուտների կոմիտեի օպերատիվ հետախուզության վարչության պետ Կարեն Կարապետյանն, ում գործունեությունը կասեցված է ՊԵԿ նախագահ Դավիթ Անանյանի հրահանգով, հեռուն գնացող նպատակներ ունի:

Պարզվում է՝ Կարապետյանն աշխատանքի չգնալով և աշխատավարձ ստանալով չի բավարարվել և այժմ էլ փորձում է ոչ միայն վերադառնալ ՊԵԿ համակարգ, այլ ավելին՝ հասնել Անանյանի աթոռին:

Այսօր կայքերից մեկին տված հացազրույցում Կարապետյանն ասել է, թե որևէ հավակնություն կամ նպատակ չի ունեցել և այժմ էլ չի ցանկանում զբաղեցնել Դավիթ Անանյանի պաշտոնը:

Սակայն բոլորիս է հայտնի, թե նման ցանկությունները նման գործելաոճով նախկին պաշտոնյաներն ինչպես են բարձրաձայնում մամուլի միջոցով:

Նախ, մեդիային հայտնում են նման ցանկություն չունենալու մասին, ապա ավելի ուշ պարզ է դառնում, որ առաջարկ են ստացել ու որոշել հանուն պետության ծառայեցնել այդ ոլորտում իրենց փորձը, հմտություն ու կարողությունները:

Իսկ թե ինչ կարողություններ և հմտություններ ունի Կարեն Կարապետյանը, շատ կարճ. 

Կարեն Կարապետյանը, օգտվելով իր զբաղեցրած պաշտոնից, իրեն պատկանող ընկերության՝ «Պլենիում» ՍՊԸ-ի համար արտոնյալ պայմաններ է ստեղծել՝ մրցակից ընկերություններին դուրս մղելով շուկայից։
Շրջանառվում են նաև տեղեկություններ, որ Կարեն Կարապետյանը անցնում է նաև կաշառքի դրվագով։

Ունենալով իշխանամերձ ծանոթներ ու քավոր և նման պրոֆեսիոնալ հմտություններ, բնականաբար, Կարեն Կարապետյանը ձգտելու է հասնել իր նպատակակետին: Հավանաբար, այդ նպատակով է սկսել նաև ասուլիսների շարք, որոնցից ամեն մեկի ընթացքում նրա պաշտպանը խոսում իր պաշտպանյալի անմեղության մասին՝ ստեղծելով տպավորություն, որ ՊԵԿ-ը կորցնում է բացառիկ նվիրյալ կադր: 

Սակայն հարկ է հիշեցնել Կարապետյան Կարենին, որ իր երգը վաղուց երգված է, հետևապես, ավելի լավ է միջոցներ վատնել այլ ուղղություններով՝ չթիրախավորելով ՊԵԿ համակարգն ու նրա ղեկավարին:

Ի դեպ՝ նշենք նաև, որ ՊԵԿ պարգևավճարների շուրջ մեծ աղմուկն, ըստ որոշ լուրերի, հենց Կարապետյանի ձեռքի գործն է:

NEWSPRESS.am