Կաուչուկ արտադրող նոր գիգանտ Եվրոպայում. Նաիրիտին մրցակից, թե՞...

ԵՀՄՖ նախագահ դոկտոր Աշոտ Գրիգորյանը, ով իր EU-ASIA Business Finance Center հոլդինգի (Հոլդինգ) միջոցով հսկայական ներդրումային ծրագրեր է իրականացնում Հայաստանում և որպես կարևորագույն քայլ համարում է «Նաիրիտ Գործարանի» վերագործարկումը, հայտնում է, որ այսօրվա իշխանությունների հետ աշխատանքներն ընդհատված են, որը հղի է լուրջ վտանգներով: Արտերկրի ողջ հայությունը ակնդետ հետևում է Նաիրիտի շուրջ պայքարին, և արձագանքն ակնհայտորեն լինելու է ահավոր, եթե ստորագրված նախնական պայմանագիրը  (հուշագիրը) ու ձեռքբերված պայմանավորվածությունների կատարումը սկսվի ձգձգվել:

Եվ, ահա, մինչ Հայաստանի իշխանությունների հետ տարրական պայմանավորվածությունների ձեռքբերման համար կորցրեցինք 8 ամիս, Սլովակիայի Սլովնավթ (աշխարհահռչակ Mol Group-ի անդամ) ընկերությունում ստեղծվել է կաուչուկի արտադրության հումքի՝ բութադիենի հսկայական արտադրություն, և դրա հիմքի վրա՝ Հունգարիայում տարեկան 60.000 տոննա կաուչուկ արտադրող ժամանակակից հզոր գործարան:

Հայ քաղաքական գործիչների մտահոգությունը, ըստ որի աշխարհում կաուչուկի արտադրության պահանջարկը նվազել է, լիովին անհիմն է, հատկապես, եթե հաշվի առնենք որ մեր բութադիենային կաուչուկի որակը բազմիցս ավելի լավն է, քան այն կաուչուկինը, որն արտադրվելու է հունգարա-ճապոնական համատեղ ձեռնարկության կողմից ու շատ ավելի մեծ հետաքրքրություն է ներկայացնում աշխարհում: Մնում է հասկանալ, թե ինչ են մտածում այսօրվա իշխանական աթոռը գրաված պարոնայք և որքան են պատրաստ խաղալ երկակի խաղ. մի կողմից բանակցում են Հոլդինգի ղեկավարության հետ, իսկ մյուս կողմից կեղծ ու ստահոդ լուրեր են պատրաստում իրենց ենթակա ԶԼՄ-ների միջոցով, ինչպես նաև ԱԳ նախարարի ու աշխատողների բերանով պաշտոնապես հերյուրանքներ են տարածում:

Եթե մի փոքր էլ հապաղենք, ակներևաբար ներդրողները կգտնեն այլ՝ ավելի քաղաքակիրթ ու ներդրումները ողջունող երկիր և կփորձեն համանման արտադրություն կազմակերպել այնտեղ:

Այժմ ներկայացնում ենք հղումները, որոնցով կարող եք ծանոթանալ Սլովնավթ ընկերության կայքում,  ինչպես նաև ռուսական TOPOF.RU կայքում տեղ գտած նյութերի հետ, որոնց թարգմանությունները ներկայացնում ենք ստորև.

MOL և JSR ընկերությունները բացել են ճոճման ցածր դիմադրողականությամբ անիվների թողարկման համար նախատեսված կաուչուկի արտադրության գործարան

• Սինթետիկ կաուչուկը (S-SBR) անվտանգ ու էկոնոմ դասի անվադողերի արտադրության համար ամենանորարարական հումքերից է:

• Հումքը մատակարարելու է MOL կորպորացիային պատկանող բութադիեն արտադրող գործարանը:

Հունգարական MOL էներգետիկ ու նավթաքիմիական խումբը և ճապոնական JSR ընկերությունը բացել են լուծվող բութադիեն ստիրոլ կաուչուկի արտադրության համատեղ գործարան հունգարական Թիսաույվարոշում:

Գործարանի արտադրողական հզորությունը կազմում է տարեկան 60.000 տոննա SSBR տեսակի կաուչուկ: Գործարանում ստեղծվել է 100 նոր աշխատատեղ: Ընկերությունները 300 մլն եվրո են ներդրել ծրագրում: MOL Group-ին պատկանում է գործարանի 49%-ը, իսկ JSR ընկերությանը՝ 51%-ը:

Սինթետիկ կաուչուկը (S-SBR) համաշխարհային պահանջարկ ունեցող արտադրանք է: S-SBR տեսակի կաուչուկի արտադրության համար կարևորագույն հումքը մոտակայքում տեղակայված, 2015թ.-ին բացված ձեռնարկությունում MOL խմբի կողմից արտադրվող բութադիենն է: Իր առանձնահատուկ մոլեկուլային կառուցվածքի շնորհիվ S-SBR տեսակի կաուչուկը բարձր է գնահատվում ողջ աշխարհում որպես անվադողերի արտադրության հումք, քանի որ նպաստում է անվադողերի մաշվելու նվազմանը և թաց մակերեսին գերազանց կպչունությանը:

Նոր գործարանին հումքը կմատակարարվի մոտակայքում տեղակայված MOL ձեռնարկությունից, որը տարեկան արտադրում է մինչև 130 հազար տոննա բութադիեն-կաուչուկ: Ընկերությունը, որը գործարկվել է 2015թ. վերջերին, կմատակարարի մոտ 40 հազար տոննա հումք` նոր SSBR տեսակի կաուչուկ արտադրող գործարանին, իսկ մնացած բութադիենը նախատեսվում է իրացնել եվրոպական շուկայում:

SSBR տեսակի կաուչուկը ներկայումս մեծ պահանջարկ ունի անվադողեր արտադրողներ ընկերությունների շրջանում, որոնք օգտագործում են այն ճոճման ցածր դիմադրողականությամբ անիվների արտադրության համար:

Գործարանը պաշտոնապես բացվել է Հունգարիայի վարչապետ Վիկտոր Օրբանի, MOL Group կորպորացիայի տնօրենների խորհրդի նախագահ և գլխավոր գործադիր տնօրեն Վոլտ Էրնադիի և JSR ընկերության գործադիր տնօրեն Կոիչի Կավասակիի կողմից: MOL-ը և JSR-ը պայմանագիր են կնքել 2013թ.-ին՝ համատեղ ձեռնարկություն ստեղծելու մասին, ըստ որի բաժնետոմսերի 51% -ը պատկանում է JSR ընկերությանը և 49%-ը՝ MOL Group կորպորացիային: Գործարանի շինարարությունը սկսվել է 2015թ.-ին:

«MOL Group-ն ավելացրել է աշխարհի ամենանորարար արտադրատեսակներից մեկն իր նավթաքիմիական ոլորտի արժեքային շղթայում: Մենք հպարտ ենք, որ MOL Group-ը կարող է տարեցտարի թողարկել ավելի մասնագիտացված և շահավետ արտադրանք: Մենք դեռ շատ անելիքներ ունենք, բայց մենք ճիշտ ուղու վրա ենք՝ մեր ռազմավարական նպատակին հասնելու և մինչև 2030թ.-ը Կենտրոնական և Արևելյան Եվրոպայում առաջատար քիմիական ընկերություն դառնալու համար», - ասել է MOL Group կորպորացիայի տնօրենների խորհրդի նախագահ և գլխավոր գործադիր տնօրեն Վոլտ Էրնադին:

«MOL Group-ն ավելացրել է աշխարհի ամենանորարար արտադրատեսակներից մեկն իր նավթաքիմիական ոլորտի արժեքային շղթայում: Մենք հպարտ ենք, որ MOL Group-ը կարող է տարեցտարի թողարկել ավելի մասնագիտացված և շահավետ արտադրանք: Մենք դեռ շատ անելիքներ ունենք, բայց մենք ճիշտ ուղու վրա ենք՝ մեր ռազմավարական նպատակին հասնելու և մինչև 2030թ.-ը Կենտրոնական և Արևելյան Եվրոպայում առաջատար քիմիական ընկերություն դառնալու համար», - ասել է MOL Group կորպորացիայի տնօրենների խորհրդի նախագահ և գլխավոր գործադիր տնօրեն Վոլտ Էրնադին:

ԵՀՄՖ մամլո քարտուղարություն
Բրատիսլավա
17.01.2019թ.