«Իմ քայլ»-ի անվան տակ հիմնադրամ ստեղծելը կոռուպցիայի դասական դրսևորում է. կլասիկ կոռուպցիոներ են․ Փոստանջյան
Այն օլիգարխները, որոնք ՀՀԿ-ի ժամանակ իշխանության էին, այս ընտրություններին իրենց ներկայացուցիչներին խորհրդարան են ուղարկել:
Այսօր՝ հունվարի 15-ին, լրագրողների հետ հանդիպման ժամանակ ասաց «Երկիր ծիրանի» կուսակցության ղեկավար Զարուհի Փոստանջյանը: Նրա գնահատմամբ՝ «Քաղաքացիական պայմանագիր» կուսակցությունը միայն փոխարինեց Հանրապետական կուսակցությանը․ նույն գործելաոճն ու նույն կոռուպցիոն դրսևորումները։
Զարուհի Փոստանջյանը, որպես կոռուպցիայի դրսևորում, մատնանշում է նաև «Իմ քայլը» հիմնադրամի ստեղծումը։
«Կոռուպցիայի դեմ պայքարի մասին հայտարարություններն ուղղակիորեն հակասում են այն փաստին, որ, օրինակ, «Իմ քայլը» անունով բարեգործական հիմնադրամ է ստեղծվում: Սա դասական կոռուպցիոն դրսևորում է», - ասաց նա։
Փոստանջյանն անդրադարձավ նաև ԱԱԾ-ՀՔԾ պետերի և Նիկոլ Փաշինյանի ու հիշյալ կառույցների ղեկավարների հեռախոսազրույցի գաղտնալսումներին։ Նա նկատեց, որ վերջիններս չհերքեցին, որ նման խոսակցություն եղել է։
«Ճիշտ է, հետագայում ասացին, որ ինչ-որ մասեր կտրել են, բայց դա կարևոր չէ։ Խնդիրն այն է, որ գործադիր իշխանության ղեկավարը, օգտվելով իրեն վերապահված լիազորություններից, կարող է ազդել քննության վրա, ինչպես նաև դատական համակարգի վրա: Սա գոյություն ունեցող ռեժիմին հակակշիռի բացակայության հետևանք է», -ընդգծեց նա:
Նա նաև ընդգծեց, որ չկան այնպիսի իրավական նորմեր, երբ մարդու նկատմամբ քրեական հետապնդում է իրականացվում, և նա այդ ընթացքում իր սեփականությունից նվիրատվություններ է անում պետությանը։
«Ես չեմ արդարացնում այդ մարդուն, սա պայմանական օրինակ է, բայց նման իրավական ընթացակարգից օգտվելը խոսում է կոռուպցիայի մասին․ տեղի է ունենում սեփականության վերաբաշխում»,-ասաց Փոստանջյանը։
Անդրադառնալով մի խումբ քաղաքացիների կողմից Մանվել Գրիգորյանի փաստաբանի վրա ճնշման գործադրման փաստին՝ նա նշեց, որ Փաստաբանների պալատը պատրաստվում է ոստիկանության անգործության կապակցությամբ բողոք ներկայացնել:
«Յուրաքանչյուր մարդ, անկախ նրանից, թե ինչ հանցագործություն է կատարել, պաշտպանության կարիք ունի: Պետք է հարգել փաստաբանական աշխատանքը», - ասաց Փոստանջյանը:
Վերին Լարսը փակ է. Վրաստանը տարհանում է տեղի բնակիչներին (տեսանյութ)
Մեր պետական կառույցներում չգիտե՞ն, թե փայլաթիթեղն ինչ նպատակով կարող է օգտագործվել Ադրբեջանում
Ադրբեջանը Հայաստանի գյուղերում ուսումնասիրություն է իրականացրել, որում Արարատի Նորամարգ գյուղը ներկա...
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Չամարձակվեք այլևս Ծառուկյանի անունը տալ, դուք «պրավալ» տվեցիք, հիմա փորձում եք մեղքը գցել Ծառուկյանի...
Ինչո՞ւ են «Գադիան» գրուպի մրցակից պահնորդներին զենքի քննությունից «աջ ու ձախ կտրում». ի՞նչ կապ ունի ...
Կարծում եք՝ պատից նկարը հանելով՝ հերոսի՞ն էլ եք ջնջելու. ջնջել են Ալբերտ Հովհաննիսյանի նկարը
Հայաստանի անկախությունը՝ Ադրբեջանի դրոշի գույների ներքո․ պատահականությո՞ւն, թե՞ քաղաքական ուղերձ (տե...
Հղի կնոջը հիվանդանոց տեղափոխելիս սկսել է ծննդաբերությունը․ բժշկական կենտրոնում պտուղը ծնվել է մահացա...
