Խոհեմություն, լրջամտություն, ըմբռնում, ազնվություն․ ի՞նչ է սպասում մեզ գալիք տարում

2019 թվականի խորհրդանիշը դեղին խոզն է։

Ըստ արևելյան հորոսկոպի այս նշանի հովանավորության տակ անցնող տարին բարենպաստ է երկարաժամկետ գործերն ամփոփելու համար։

Խոզը շատ աշխատասեր է և այդ պատճառով էլ լինելու է այն մարդկանց հովանավորը, որոնք ուզում են կարիերա ու բիզնես սկսել։ Խոզը բազում հեռանկարներ է բացելու նրանց համար։ Ընդհանուր առմամբ այս նշանի առանձնահատկություններն են խոհեմությունը, համբերատարությունը, լրջամտությունը, ըմբռնումը, բծախնդրությունն ու ազնվությունը։

Խոզերի կամ վարազների առանձնահատկություններից է քաջությունը և ազնվությունը: Լավատես են խոզերը, անկեղծորեն հավատում են մարդկության կատարյալ լինելուն: Մի քիչ միամիտ են թվում, բայց միայն առաջին հայացքից:

Իսկ ինչպե՞ս հաճոյանալ տանտիրոջը, ի՞նչ պատրաստել. այս հարցերը շատերին է հետաքրքրում․

Որո՞նք են տարվա գույները․

Նախապատվությունը պետք է տալ ձիթապտղի, սուրճի, ընկույզի, բաց դեղնավուն և կապտավուն գույներին։ Հենց դրանք կստեղծեն անհրաժեշտ ներդաշնակություն և հավասարակշռություն:

Ինչպե՞ս զարդարել տունը

Հայտնի աստղագուշակները խորհուրդ են տալիս տունը զարդարել բնական ծաղիկներով, տերևներով, թփերի ճյուղերով։ Տանտերը սիրում է նաև շքեղություն, հետևաբար ճիշտ կլինի ոսկե գնդակներով զարդարեք տոնածառ, ընտրեք գեղեցիկ և յուրօրինակ խաղալիքներ: Կարելի է նաև կուժ-կուլայով ու կարասներով գեղեցիկ կոմպոզիցիաներ պատրաստել։

Ի՞նչ հագուստ կրել

Տանտիրոջը հաճոյանալու համար տոնական զգեստն ընտրեք դեղնաշագանակագույնի մեջ։ Այն կարող է լինել ոսկեգույն, դարչնագույն կամ մոխրագույն։ Խոզերի համար ընդունելի է նաև արծաթագույնը, բեժը։ Նախընտրելի է թույլ գործվածքները, կարճ կիսաշրջազգետները ևս թույլատրվում են: 

Ի՞նչ պետք է պատրաստել

Սեղանին պետք է լինի ուտելիքների շատ տեսականի։ Խոզուկը շատ է սիրում ուտել, ուստի որքան շատ լինեն ուտելիքներ, այնքան կսիրաշահեք նրան։ Պետք է շատ լինի աղցանների տեսականի, միրգ ու բանջարեղեն։

Եվ ամենակարևորը ալկոհոլը պետք չէ չարաշահել, որպեսզի տոնական տրամադրությունը, ուրախ և երջանիկ պահերը զուր չկորցնեք․․․