Ինչ էր ժամանակին ասել Հովիկ Աբրահամյանը, որ ճիշտ Մակունցի մասին է

Երբեք չէինք պատկերացնի, որ մի օր կցիտենք նախկին վարչապետ Հովիկ Աբրահամյանին, որպես արդիական և շատ տեղին արված մտքի հեղինակ:

Սակայն, փաստորեն, այդ օրն էլ եկավ:

Ժամանակին Հովիկ Աբրահամյանն իր ասուլիսներից մեկի ժամանակ ասել էր՝ «Քաղաքական գործիչ դառնալու համար շատ խելք պետք չէ: Այնքան մարդիկ կան, որ պատահական կարող են դառնալ քաղաքական գործիչ, բայց չկա մի մարդ, որ պատահական դառնա գործարար»:

Այս միտքն այսօր կարող ենք ուղիղ համեմատական անցկացնել նորաթուխ քաղաքական գործիչների հետ, քանի որ նրանցից շատերը դեռևս քաղաքական միտք արտաբերած չկան, սակայն անցել են խորհրդարան ու կառավարություն:

Հովիկ Աբրահամյանի խոսքը կարող ենք հատկապես Լիլիթ Մակունցին ուղղել: Այս աղջիկն իր քնքուշ ժպիտից զատ, այդպես էլ չդարձավ քաղաքական ֆիգուր, բայց դարձավ խորհրդարանական իշխանական խմբակցության ղեկավար:

Ասել է թե՝ 88 պատգամավորի ղեկավար:

Իրականում, ճիշտ էր ասում քաղաքապետ Հայկ Մարությանը, երբ խոսում էր 2018 թվականի՝ հրաշքների կատարման մասին: Եթե չլիներ նրանց պատկերացրած հրաշքը, այսօր նախարար, ապա նաև պատգամավոր չէր կարող լինել նաև Լիլիթ Մակունցը: Մարդ, ով մինչ նախարար նշանակվելը ծանոթ էր միայն իր բարեկամներին ու հարազատներին, հանրությունը տեսած ու լսած չկար այս գործչին, իսկ այսօր՝ ընտրեց նրան, որպեսզի անգամ նախարարության լուծարումից հետո, բարձր աշխատավարձով աշխատանք ունենա Մակունցը:

Ստացվում է, Մակունցին շատ խելք պետք չէր, որպեսզի պատահականությամբ դառնա խմբակցության ղեկավար՝ 661 հազար 400 դրամ աշխատավարձով:

NEWSPRESS.am