Լուսինե Բադալյանի 50 երանգները, կամ ո՞վ է նրա հերոսը

Արտահերթ խորհրդարանական ընտրությունների արդյունքում հավանաբար խորհրդարան կանցնի նաև հաղորդավարուհի Լուսինե Բադալյանը: Ինչու ենք գրել հավանաբար, որովհետև Ցարի Բոգը` Նիկոլ Փաշինյանը, դեռևս չի որոշել` ում թույլ տա մանդատ վերցնել և ում` ոչ:

Այնուամենայնիվ, կան խոսակցություններ, որ Լուսինե Բադալյանը հասցրել է իր տեղը դասավորել և կմտնի խորհրդարան:

Ներկայացնելով մեր ապագա պատգամավորին՝ հակիրճ պատմական ակնարկ կատարենք այս պատգամավորացուի հայացքների փոփոխության վերաբերյալ:

Լուսինե Բադալյանը միշտ աչքի է ընկել իր հասարակական ակտիվությամբ: Նրա «ճտպտան» լեզուն բացվում է հատկապես այն ժամանակ, երբ տեսանկարահանող սարք է տեսնում, դրա պակասի դեպքում էլ մտքի գոհարները շաղ է տալիս ֆեյսբուքում:

Դեռևս 2016 թվականին Լուսինե Բադալյանը գրառում է կատարում, ուր գովերգում է «Սասնա Ծռերի» առաջնորդ Վարուժան Ավետիսյանին: Նա համարում է, որ իր հերոսը Վարուժան Ավետիսյանն է և ինքը կցանկանար Ավետիսյանին տեսնել Բ26-ում: Գրառումը մեջբերում ենք.

Փոխվում է տարին, փոխվում են նաև Լուսինե Բադալյանի պատկերացումները քաղաքականության և ղեկավարների մասին: Ստորև ներկայացված տեսանյութն արված է 2017 թվականին: Լրատվական կայքերից մեկի հաղորդման ընթացքում Լուսինեն պատասխանում է 59 հարցի: Դրանցից մեկը հետևյալն է. «Ո՞ր դեպքում կարտագաղթեք Հայաստանից»:

Լուսինե Բադալյանը պատասխանում է. «Ճիշտ այն դեպքում, երբ իմ վերջին հույսը, այսինքն վարչապետը, հրաժարական տա, արդեն հանգիստ խղճով կարող եմ արտագաղթել Հայաստանից (տես` 9.30 րոպեից):

2017 թվականին վարչապետը Կարեն Կարապետյանն էր, և, փաստորեն, Լուսինե Բադալյանը մեկ տարվա մեջ կարողանում է երկրորդ հերոսին փոխել:

Ի դեպ, նույն հարցազրույցում լրագրողը հարց է տալիս նաև, թե ո՞րն է նրա կյանքի մեծագույն սխալը և ստանում բավականին մեծամիտ պատասխան. «Ես չունեմ սխալներ»:

Մենք այն կարծիքին ենք, որ տարին մեկ հայացքներ փոխելն արդեն սխալ է, և Լուսինե Բադալյանն իսկապես ունի սխալներ և դրա չընդունումը ևս սխալ է:

Կրկին տարի է փոխվում. 2018 թվական, իսկ հերոսն այս անգամ Նիկոլ Փաշինյանն է, ով էլ մշտապես հովանավորյալ փնտրող Լուսինեին խորհրդարան կխցկի:

Այսպիսին է պատգամավորացուի արժեհամակարգը, հավանաբար այսպես էլ օրենքներ կհեղինակի և կազդի մեր կյանքի որակի վրա:

Լուսինեներ այս խորհրդարանում շատ կան, մենք կանդրադառնանք յուրաքանչյուրին և ի ցույց կդնենք, թե հեղափոխությունն ինչպիսի հեղհեղուկ, ամբիցիոզ և ոչ կոմպետենտ կադրեր բերեց իշխանության:

NEWSPRESS.am