Հայկո՛, կարգին տղա լինեիր՝ վաղուց էիր հրաժարվել քաղաքապետի պաշտոնից

Երևանի քաղաքապետի տնազ Հայկ Մարությանին թվում է, թե հայաստանցիները աչքները ջուր կտրած՝ երկար ու ձիգ տարիներ սպասել են, որ Երևանի գլխավոր հրապարակում նոր տոնածառ հայտնվի, այդ պատճառով էլ ինքն իրեն համոզել է, թե այս նոր՝ գերթանկարժեք տոնածառը հանրության պահանջն է, իսկ ինքն էլ սուպերմենի պես կարողացել է կատարել այդ պահանջը:

«Սա հանրության պահանջն էր»,-այսօր լրագրողի հարցին ի պատասխան ասել է դերասան քաղաքապետը՝ չընդունելով այն քննադատությունները, որ փոխանակ քաղաքի տրանսպորտի հարցը լուծի կամ քաղաքի աղբը հավաքել տա, ընկել՝ նոր տոնածառի վրա է ուրախանում: 

Հետաքրքական է, որ «կարգին» քաղաքապետը չի ընդունում նաև այն քննադատությունները, որոնք վերաբերում են տոնածառի համար Երևանի բյուջեից վճարված գնին: 

Մարությանը պնդում է, որ Էրեբունի-Երևանի այս տարվա միջոցառումների ժամանակ գումար են խնայել, ինչն էլ հանգիստ խղճով ծախսել են Ամանորի համար:
Կարգին Հայկոն վստահեցնում է՝ աստղաբաշխական թվեր այս տարվա տոնածառի վրա չեն ծախսել:

Ընդամենը 70 մլն դրամ տոնածառն է արժեցել, 25 մլն դրամ էլ՝ այն Հայաստան տեղափոխելը:

Եվ մի՞թե սա աստղաբաշխական թիվ չէ այն քաղաքի համար, որն ունի մահացու վերելակների, անկտուր շենքերի, երթուղային տրանսպորտի և բազմաթիվ այլ խնդիրներ:
Հետաքրքրիր է, եթե գումար էր խնայել Մարությանն, ինչո՞ւ այն չծախսեց մի անտունի՝ տնով ապահովելու վրա, թե՞ դրա համար ամիսներով Փաշինյանի հետ պետք է քննարկում անել, հետո էլ ասել՝ բյուջեում փող չկա:

Արդյո՞ք հանրության պահանջ չէր լինի 95 մլն դրամը հատկացնել անտուն մարդկանց տանիքով ապահովելու հարցին, իսկ գուցե մանկատնից դուրս եկած և մինչ օրս բնակարանի հերթի սպասող սաների խնդիրն ավելի՞ կարևոր էր, քան տոնածառը: 

Հավանաբար, քաղաքականությունից գլուխ չհանող մեր արտիստի համար սրանք անընկալելի թեմաներ են, հեռու՝ մարությանական ընկալումներից, և դա է պատճառը, որ այդ նույն հանրությունը, որին ինքը բաժանեց սևերի և սպիտակների, պահանջում է՝
«Մարության, հեռացի՛ր»:

NEWSPRESS.am-ի հիմնադիր՝

Արմենուհի (Արիանա) Հովսեփյան