Նույնիսկ Հոկտեմբերի 27-ի գործերով Գլխավոր դատախազը ներկա չի եղել. Քոչարյանի պաշտպանի համար Դավթյանի ներկայացությունը տարակուսելի է

Երեկ գործի՝ ըստ էության, քննարկոմ տեղի չի ունեցել: Այդ մասին այսօր՝ Վերաքննիչ դատարանում ՀՀ երկրորդ նախագահ Ռոբերտ Քոչարյանի խափանման միջոցի հարցի քննության օրը՝ լրագրողների հետ զրույցում ասաց նրա պաշտպան Արամ Օրբելյանը:

Անդրադառնալով դիտարկմանը, թե Գլխավոր դատախազը հայտարարել է, որ ինքը կարծում է, թե հիմքեր կան, որ Քոչարյանը մնա կլանաքի տակ, Օրբելյանը պատասխանեց. «Ես հույս ունեմ, որ Գլխավոր դատախազը կարծում է, որ կան հիմքեր, որովհետև եթե ինքը կարծում է, որ հիմքեր չկան, բայց պնդում է միջնորդությունը, խնդիր կտեսնենք: Կարևորը ոչ թե գլխավոր դատախազի կամ քննիչի կածիքն է, այլ՝ ինչ կմտածի դատարանը՝ այդ հիմնավորումները հիմնավո՞ր են, թե՞ ոչ»: 

Հարցին, թե Գլխավոր դատախազի ներկայությունը դատավարությանը որևէ մեսիջ հաղորդո՞ւմ է այն մասին, որ ավելի լուրջ են տրամադրված, Արամ Օրբելյանը պատասխանեց. «Այնպես չէ, որ առաջին օրն ենք ընկալում, որ լորջ են տրամադրվել: Ճիշտ կլիներ, որ Գլխավոր դատախազը կամ առնվազն տեղակալը ներկայացված լինեին առաջին օրվանից, այսինքն՝ շատ տարօրինակ է, որ նոր են սկսել ներկայանալ, որոհետև ակնհայտ է, որ գործը բավականին բարդ է: Բայց մամուլն արդեն գրել է, որ նույնիսկ Հոկտեմբերի 27-ի գործերով գլխավոր դատախազ չի եղել: Ոչ թե լավ է կամ վատ դա, այլ տարակուսելի է, որ ինքը ներկա է: Մենք դեմ չենք, և ճիշտ է, որ այսպիսի գործերով բարձր ներկայացուցչություն ապահովի նաև մեղադրական կողմից»: 

Օրբելյանը ներկայացրեց, որ Վերաքննիչ դատարանն ունի երեք գործառույթ՝ կարող է բողոքը մերժել, տվյալ դեպքում՝ իրենց բողոքը, և, համապատասխանաբար, թողնել կամ չթողնել կալանքի տակ: Տարբերակներներից մեկը գործը կարճելն է: Ինչ վերաբերում է կասեցնելուն, ապա փաստաբանը պարզաբանեց, որ կասեցնելը վերջնական որոշում չէ, այսինքն՝ կասեցնում են միայն այն ժամանակ, երբ կարծում են, որ կա կիրառվող օրենքի սահմանադրականության հարց. «Գործը կասեցնելով՝ ուղարկում են ՍԴ՝ կոնկրետ համապատասխան կիրառման ենթական օրենսդրական նորմի սահմանադրականության հարցը քննարկելու: Միևնույն է վերջնական որոշումը վերաքննիչ դատարանը պետք է ընդունի՝ կալանավորել, թե չկալանավորել»,- եզրափակեց Քոչարյանի պաշտպանը: