Որ կուսակցությունը որքան ձայն կստանա առաջիկա ընտրություններում. GALLAP-ի հետազոտության արդյունքները

Առաջիկա արտահերթ խորհրդարանական ընտրություններին ընդառաջ GALLAP International association-ի հայաստանյան ներկայացուցչությունը հետազոտություն է անցկացրել: Այսօր լրագրողների հետ հանդիպման ժամանակ ներկայացուցչության տնօրեն Արամ Նավասարդյանը ներկայացրեց հետազոտության արդյունքները:

Նա նշեց, որ հարցումն անցկացվել է դեմ առ դեմ տարբերակով, նոյեմբերի 17-21-ը: Հետազոտությանը մասնակցել է1111 քաղաքացի՝ Հայաստանի բոլոր մարզերից և Երևանի բոլոր վարչական շրջաններից:

«Ըստ Ձեզ ներկա պահին որո՞նք են մեր պետության առջև կանգնած ամենակարևոր խնդիրները» հարցին՝ հարցվածների 45,2 տոկոսը պատասխանել է՝ գործազրկությունը, 29,6 տոկոսը՝ տնտեսական վիճակը, 23,9 տոկոսը նշել է ծանր թոշակներ/ցածր աշխատավարձերը, 23,4 տոկոսը՝ Լեռնային Ղարաբաղի հիմնախնդիրը, կոռուպցիան՝ 16,8%, առողջապահական համակարգի վատ վիճակը՝ 13,3, արտագաղթը՝ 11,4, կրթական համակարգի վատ վիճակը՝ 8,7 տոկոս, արտաքին քաղաքականության խնդիրները՝ 8,0%, գնաճը, ինֆլյացիան՝ 7,3 տոկոս, բարձր կոմունալ վճարներ՝ 6,5 տոկոս, բարձր հարկերը՝ 4,1 տոկոս:

«Տեղյակ եք արդյոք, որ այս տարի Հայաստանում տեղի են ունենալու արտահերթ խորհրդարանական ընտրություններ» հարցին հարցվածների 97,1 տոկոսը պատասխանել է, որ տեղյակ է, իսկ 2,9 տոկոսը տեղյակ չի եղել: Ի դեպ, նշված 97,1 տոկոսցի 71,4 տոկոսն է տեղյակ եղել, որ ընտրությունները տեղի են ունենալու դեկտեմբերի 9-ին, մնացած 26,7-ը նշել են կա՛մ սխալ ամսաթիվ, կա՛մ տեղյակ չեն եղել:

Մասնակցելո՞ւ են արդյոք հարցվածները գալիս խորհրդարանական ընտություններին: 70,9 տոկոսը պատասխանել է, որ միանշանակ մասնակցելու է, 15,5 տոկոսը նշել է, որ ավելի շուտ՝ մասնակցելու է, ավելի շուտ՝ չի մասնակցելու 2,9 տոկոսը, 8,9 տոկոսն էլ ասել է, որ հաստատ չի մասնակցելու: Մնացյալը հարցին դժվարացել են պատասխանել:

Եվ վերջապես գլխավոր հարցը՝ ընտրություններին համամասնական ընտրակարգով Դուք որ կուսակցությանը կամ կուսակցությունների դաշինքին եք պատրասատվում տալ Ձեր ձայնը:

«Իմ քայլը».կուսակցությունների դաշինք՝ 68,3

«Բարգավաճ Հայաստան» կուսակցություն՝ 6,7

«Հայաստանի Հանրապետական կուսակցություն»՝ 1,5

«Լուսավոր Հայաստան»՝ 1,2

«Հայ Հեղափոխական Դաշինք» կուսակցություն՝ 1,0

«Սասնա Ծռեր» համահայկական կուսակություն՝ 0,9

Քրիստոնեա-դեմոկրատական վերածնունդ՝ 0,3

«Մենք» կուսակցությունների դաշինք՝ 0,3

«Քաղաքացու որոշում»՝ 0,2

«Օրինաց Երկիր» կուսակցություն՝ 0,1

«Ազգային առաջընթաց» կուսակցություն՝ 0,0

Հրաժարվում եմ պատասխանել՝ 12,7