«Իշխանությունները անընդհատ ծնկում են, կարելի չէ՞ մեռնել չծնկած».Ռ.Հախվերդյան

«Նոր Հայաստան»- հանրային փրկության ճակտն այսօր կազմակերպել էր մտավորականների հավաք-քննարկում: Երգիչ, երգահան Ռուբեն Հախվերդյանը ևս քննարկմանը ներկա էր, իր ելույթում նա նշեց, որ իշխանությունների վարած քաղաքաանության պատճառով մենք տանուլ ենք տալիս ո’չ միայն երկրի ներսում, այլև միջազգային հարթակներում. «Կարելի է մեռնել չծնկած, չէ՞, իսկ սրանք անընդհատ ծնկում են: Եթե մենք էդքան չկզենք, ռուսն էլ մեր վզին էդքան չի տա: Ուղղակի վերջապես մեկը կարող է չէ՞, ժողովրդական լեզվով ասած, Պուտինին ասել. ներեցե’ք, իսկ կարո՞ղ եք սիկտիր լինել ստեղից վաբշե»,-ասաց Ռուբեն Հախվերդյանը:

Ըստ նրա՝ մեր երկրում յուրքանչյուր փոփոխություն նախաձեռնվում է ՌԴ –ի ձեռամբ և սահմանադրական փոփոխությունները բացառություն չեն. «այսինքն՝ էս մանեկեններին դրել է Վլադիմիր Պուտինը, այնպես որ ռուսները մեր ոխերիմ «բարեկամներն» են»,-շեշտեց երգահանը:

Քննարկմանը ներկա լրագրող Սեդա Մավյանն էլ հավելեց, որ մեր իշխանությունները ո’չ միայն ՌԴ-ի, այլ նաև Արևմուտքի և Եվրոպայի մանեկեններն են: Ինչ վերաբերում է սահմանդրական փոփոխություններին, ապա ըստ Սեդա Մավյանի՝ փոփոխությունները ո’չ իշխանության վերարտադրման համար են արվում, ո’չ էլ Քոչարյանի առջև վերդարձի դուռը փակելու. «Սերժ Սարգսյանի համար մեր հայրենիքը վերածվել է շախմատի, նա կարող է շախմատի ձև կիրառել, բայց առանց այս պրոցեսների էլ կարող էր փակել այդ դուռը, փետրվարին տեսանք, թե ինչ կատարվեց Ծառուկյանի հետ»,-նշեց նա:

Սեդա Մավյանը մեկ այլ մտահոգություն ևս ներկայացրեց: Ըստ նրա՝ սահմանադրական փոփոխությունները պատահականություն չեն. «գործ ունենք մի փոփոխության հետ, որը պետք է որ մեզ տանի ԼՂ որոշ շրջանները զիջելուն»,-ընդգծեց նա: