«Թող ամուսինդ քեզ համար տուն առնի». Վանաձորի քաղաքապետը` վթարային շենքի բնակչուհուն

Լոռու մարզի Վանաձոր քաղաքի  Սուխումի 4 շենքի բնակիչներն աստիճանաբար լքում են շենքը: 36 բնակարաններից այսօր միայն 15-ն է բնակեցված: Շենքի առաջին հարկը լցվել է կոյուղաջրերով, իսկ վերևից էլ անձրևաջրերն են անարգել հոսում պատեր միջով, ու բնակիչներին ստիպում լքել բնակարանը:

newspress.am-ի հետ զրույցում բնակիչներից  Ջուլիետա Գրիգորյանը նկատեց, որ բոլորն արդեն գնացել են, քանի որ հույս չունեն, թե պատկան մարմինները կարձագանքեն իրենց խնդրին: «Մենակ անճարներս ենք մնացել»,- ասում է բնակչուհին ու ցույց տալիս տարբեր ատյաններ ներկայացված դիմում-բողոքներն ու դրանց պատասխան ստացված մերժումները:

Այս խնդիրը 35 տարվա վաղեմություն ունի: Եթե դեռ սկզբնական շրջանում ջրագոյացությունները թեկուզ և ապարդյուն, բայց ժամանակ առ ժամանակ հեռացվում էին, ապա այժմ պատկան մարմինները այս խնդրով չեն զբաղվում:

Սա դեռ ամենը չէ, 88-ի երկրաշարժից հետո  մասնագետների գնահտմամբ` շենքը համարվում է չորրոդ աստիճանի  վթարային շինություն և ամեն րոպե առկա է փլուզման վտանգը:

Բացի այդ Ժաննա Հայրապետյանը վստահեցնում է խնդիրը քաղաքապետ Սամվել Դարբինյանին ներկայացնելիս` ստացել է անսպասելի և անվայելուչ պատասխան:

«Ասեց. Տիկի’ն, ասում ես ամուսին և երկու տղաներ ունես, թող գնան Ռուսաստան աշխատեն ու գան քեզ համար տուն առնեն»,- նեղսրտած ասաց կինը:

Արմինե Մկրտումյան

Մանրամասները` տեսանյութում.