Թռնում են, թռնում են, թռնում են...

ՀՀ վարչապետի աշխատակազմի գործերի նախկին կառավարիչ Գևորգ Աճեմյանը հայտարարել է, որ դուրս է գալիս «Քաղաքացիական պայմանագիր» կուսակցությունից։

«Սիրելի ընկերներ, «Քաղաքացիական պայմանագիր» կուսակցությունից դուրս գալու դիմում եմ գրել։ Իսկ թե ինչու, երեկոյան՝ ժամը 20։00-ին ֆեյբուքյան լայվով կմանրամասնեմ»,- ասված է նրա Facebook-յան էջում տեղադրված գրառման մեջ։

«Կյանքի խոսք» աղանդի անդամ Գևորգ Աճեմյանը, մինչ հրաժարականը, հասցրել էր վիրավորական արտահայտություններ անել ՀՀ 1-ին նախագահ Լևոն Տեր-Պետրոսյանի հասցեին և հեռացավ՝ հիմա էլ ՔՊ-ից։

Փաստորեն, որքան արագ անդամակցեց փաշինյանական թևին, նույնքան արագ էլ հեռացավ։

Փաշինյանական թիմից հաջորդ հեռացողն Աշխատանքի և սոցիալական հարցերի նախարարի պաշտոնակատար Մանե Թանդիլյանն է։ Պաշտոնակռիվն ու աթոռակռիվն այս կնոջը հանգիստ չէին տալիս ամիսներ շարունակ․ բոլորս ենք հիշում, որ հրաժարականի դիմում Թանդիլյանը ներկայացրել էր ավելի վաղ ևս, և այն ժամանակ Փաշինյանը համոզեց նրան մնալ և աշխատել իր պոստում, քանի որ կադրային կռիզիս է։
Հիմա Մանեն կրկին վայր է դրել նախարարի ժ/պ-ի լիազորությունները

«Այսօր ես վայր եմ դնում նախարարի պաշտոնակատարի իմ լիազորությունները՝ «Լուսավոր Հայաստան» կուսակցության ցուցակով Ազգային ժողովի ընտրություններին մասնակցելու նպատակով: Առաջիկա ընտրությունները բացառիկ կարևորություն ունեն Հայաստանի համար․ դրանց միջոցով վերջնականապես կձևավորվի ժողովրդի իրական ձայնն արտացոլող խորհրդարան»,-գրել է նա՝ թռնելով իրեն քաղաքականություն բերած և նախարար կարգած Փաշինյանի թիմից։

Փաստորեն, Մանե Թանդիլյանն այժմ դառնալու է Նիկոլի ընդդիմությունը, ինչն, անխոս, ծիծաղ է առաջացնում, և, ինչպես ասում են, կապրենք կտեսնենք՝ Մանեից ինչ ընդդիմադիր է դուրս գալու։ Մինչ այդ, նկատենք, որ Փաշինյանի թիմից առաջին թռնողներն արդեն կան, որոնց շարքերը կստվարանան՝ հաշվի առնելով «Իմ քայլը» դաշինքի 183 հոգանոց ցուցակում՝ քաղաքանությունից ոտաբոբիկ թեկնածուների քանակը։