«Ժառանգություն»-ն ընտրապայքարին չի մասնակցելու. հայտարարություն

«Ժառանգություն» կուսակցությունը հայտարարել է, որ չի մասնակցելու արտահերթ խորհրդարանական ընտրություններին:

Հայտարարության մեջ, մասնավորապես, ասվում է.

««Ժառանգությունն» էական է համարում, որ ընտրական առաջիկա գործընթացը՝ իր բովանդակությամբ և ընթացակարգով լինի ամբողջովին լեգիտիմ։

Այս կապակցությամբ հույս ենք տածել և ակնկալել, որ ժամանակավոր կառավարությունն ու իր ղեկավարը թավշյա հեղափոխության առանց բացառության բոլոր հանձնառություններն ի կատար կածեր։ Այդ առանցքային հանձնառություններից նվազագույն մեկը՝ նոր Ընտրական օրենսգրքի հաստատման միջոցով իրապես ժողովրդավար ԱԺ ձևավորելու դրույթը, փաստորեն, չի կատարվել։

Որպես համաժողովրդական շարժման ակունքներում կանգնած ուժ՝ «Ժառանգություն» կուսակցությունը հաջողություն է մաղթում մեր ժողովրդին՝ նոր Հայաստան տանող ճանապարհը ճշմարտացիորեն որոշելու իր պատասխանատու ընտրության մեջ»,-ասված է հայտարարության մեջ։