Հայ մարդասպանը, ով կարդում է Նաբոկովի «Լոլիտա» վեպը, ազդվում ու որոշում բռնաբարել ու սպանել անչափահաս աղջիկների․ «Ռեժիսորը»

Թերթելով սերիական մարդապանների կյանքն ու կենսագրությունը՝ տեսնում ենք, որ հոգեբանական շեղումների հիմքը մանուկ հասակում տեղի ունեցած ինչ-ինչ իրադարձություններն են։ Վալերի Հասրաթյանն այն հայ սերիական մարդասպաններից է, ով ունեցել է մի փոքր այլ կյանք։ Հասրաթյանը եղել է կիրթ երեխա։ Նրա ընտանիքը եղել է նյութապես ապահոված, չի ենթարկվել բռնությունների, սակայն ինչպես իր ժամանակակիցներն են նշում, նա եղել մի փոքր հիվանդ ու տկար տղա։

Դպրոցում լավ է սովորել, ընդունվել է Մանկավարժական համալսարան, ուսումնասիրել է հոգեբանություն։ Հասրաթյանի կյանքում շրջադարձային եղավ այն պահը, երբ նա սկսեց կարդալ ռուս հայտնի գրող Վլադիմիր Նաբոկովի սկանդալային «Լոլիտա» վեպը։

Հասրաթյանը նմանություններ է գտել իր և հանրահայտ վեպի գլխավոր հերոս Հումբերտի միջև, իսկ Լոլիտայի կերպարը նրա համար դարձել է իդեալ: Մոսկվայում ամուսնանալուց հետո, նա 1981 թվականին առաջին անգամ հանցագործություն է կատարել: Նա բռնաբարել է անչափահաս աղջկա, սակայն շուտով նրա հանցանքը բացահայտվել է և 1982 թվականին դատարանի որոշմամբ ուղարկվել է բանտ:

1987 թվականին ազատ է արձակվում, կինը նրան դուրս է վռնդում, շուտով նա կապվում է մեկ այլ կնոջ հետ և սեռական հարաբերություն է ունենում նաև այդ կնոջ 14-ամյա դստեր հետ։ Այնպես՝ ինչպես «Լոլիտա» վեպում։

Հասրաթյանը հանցագործությունն իրականացնելուց առաջ հոգեմետ դեղեր է խմել։ Նա հանել է ռեժիսորի կեղծ փաստաթուղթ, որտեղ անվան դիմաց գրված է եղել Սվյատոսլավ Չապլիգին: Հենց այս փաստաթղթի միջոցով է կարողացել գրավել իր զոհերի վստահությունը։ Այսկերպ նա բռնաբարել է 10 աղջկա։ Սկզբում հանցագործը բավարարվում էր միայն բռնաբարելով, սակայն կարճ ժամանակ անց սկսում է նաև սպանել աղջիկներին։

Հասրաթյանի առաջին զոհը մահացել է «կոկտեյլի» չափից շատ դոզայից: Երկրորդը սպանվել է դանակի հարվածներից, իսկ երրորդը՝ խեղդամահ է արվել: Նա հանցագործությունները իրականացրել է տարբեր ձեռագրերով, որպեսզի իրավապահ մարմինները չկասկածեն, որ գործ ունեն սերիական մարդասպանի հետ: Նրա զոհերից մեկը, որին կենդանի էր թողել, ամբողջությամբ չէր կորցրել հիշողությունը և պատմել է, որ իրեն է մոտեցել մի «ռեժիսոր» և առաջարկել նկարահանվել կինոյում: Նա նշել է, թե որ շրջանում է իրեն մոտեցել տղամարդը:

Շուտով իրավապահ մարմինները կարողանում են բռնել հանցագործին։ Հասրաթյանը բանտ է նետվում, այնտեղ խոստովանում, որ նա սպանել է երեք և բռնաբարել ավելի քան 10 աղջկա։ Դատարանում նա պահանջել է, որ իրեն գնդակահարեն: Դատարանը բավարարել է մարդասպանի խնդրանքը:

Վալերի Հասրաթյանը գնդակահարվել է 1990 թվականին։