Հետաքրքիր է՝ ՔՊ-ականներից քանի՞սն է աջակցում համասեռամոլներին, բուռն սիրով էլ սիրում ադրբեջանցիներին

Թավշյա հեղափոխությունից հետո համասեռամոլների և աղանդավորների իրավունքների պաշտպանությամբ հանդես եկող նոր իշխանությունները շարունակում են հանդուրժել երկիրը բաժան-բաժան անելու և այլասերելու այն հստակ քաղաքականությունը, որը դրված է նրանց գործունեության առանցքում։

Հասել ենք մի իրավիճակի, որ Հայաստանում սկսել են բարձրաձայնել ադրբեջանցիներին սիրելու, նրանց հետ հաց կիսելու և ընկերություն անելու մասին։

Գյումրու Ասպարեզ ակումբի նախագահ Լևոն Բարսեղյանի որդու բարբաջանքից հետո այսօր ադրբեջանցիներին սիրո խոստովանություն է արել «Քաղաքացիական պայմանագիր» կուսակցության հոգաբարձուների խորհրդի անդամ Լարա Ահարոնյանը։
Նա իր ֆեյսբուքյան էջում գրել է. «Ապրի՛ Ասյան, ճիշտ է ասում, ես էլ ունեմ շատ լավ ընկերներ ադրբեջանցի, որոնց շատ եմ սիրում եւ հույս ունեմ որ մի օր խաղաղ կապրենք իրար հետ ու հանգիստ ու ազատ կշփվենք առանց ոչ մեկի ատելության քարոզի»։

Սա անթույլատրելի է մի պետության համար, որը տարիներ շարունակ ապրել է ազգային արժեհամակարգի և քրիստոնեական գաղափարախոսության հենքի վրա։ Սա աններելի է, քանի որ հենց այստեղ է, որ ազգը բաժանվում է սևերի և սպիտակների, համասեռամոլներին պաշտպանողների ու քարկոծողների, աղանդավորներին հանդուժողների և չհանդուրժողների միջև։

Խաղաղասիրության քողի տակ երկիր կործանողներին առաջն առնել է պետք, քանի որ դա վտանգում է պետականության հիմքերը։

Երկրի անվտանգությանը սպառնացող այս ներքին վտանգի մասին է վկայում նաև Ազգային ժողովի փոխնախագահ Էդուարդ Շարմազանովի հայտարարությունը, որով վերջինս ահազանգում է․

«Վերջին ամիսները լի էին մտահոգիչ իրադարձություններով՝ ներխուժում Մայր Աթոռի վեհարան, հարձակումներ Ամենայն Հայոց Կաթողիկոսի վրա, նույնասեռականության բացահայտ քարոզ և նմանատիպ այլ երևույթներ: Գործը հասել է նրան, որ որոշ «կարկառուն գործիչներ» առաջարկում են հանել «Հայ եկեղեցու պատմություն» առարկայի դասավանդումը դպրոցներից, իսկ Կառավարությունն էլ որևէ հստակ գնահատական չի տվել դրանց առ այսօր, ինչպես ասում են՝ լռությունը համաձայնության նշա՞ն է: Սա անթույլատրելի»:

Հաշվի առնելով հանրության մեջ ծավալվող մտահոգությունները՝ միանում ենք Շարմազանովի կոչին և պետությունից պահանջում հստակ գնահատական նմանատիպ երևույթների վերաբերյալ։

Պետության անվտանգության երաշխավոր կարգված մարդն իրավունք չունի աչքերը փակել այն դեպքում, երբ խարխլվում է այդ անվտանգությունը։ Հետաքրքիր է, իսկ ի՞նչ թիվ են կազմում «Քաղաքացիական պայմանագիր» կուսակցության մեջ համասեռամոլներն ու ադրբեջանցիներին բուռն սիրով սիրողները։

NEWSPRESS.am