Խուլեն Լոպետեգեն պաշտոնապես պաշտոնանկ արվեց. «Ռեալ»-ը հայտարարություն է տարածել

Մադրիդի «Ռեալ»-ը պաշտոնապես հայտարարեց գլխավոր մարզիչ Խուլեն Լոպետեգեի հեռացման մասին: Ինքը՝ մարզիչը, կանխատեսել էր իրադարձությունների նման զարգացումը և հրաժեշտ տվել ֆուտբոլիստներին՝  «Էլ կլասիկոյից» հետո: Հենց «Բարսելոնա»-ից կրած պարտությունը դարձավ Լեպեգետեի պաշտոնանկության պատճառ:

«Կամպ Նոու» մարզադաշտում մադրիդցիները 5 գնդակ բաց թողեցին: Դա դարձավ միանգամից մի քանի հակառեկորդ ակումբի պատմության մեջ: Վերջին 70 տարում սա գոլերի տարբերության վատագույն ցուցանիշն էր: Վերջին 17 տարում առաջին 10 տուրում զբաղեցնում են երբևէ ամենացածր տեղը: Արտագնա միանգամից 4 պարտություն. այդպիսի բան չէր եղել 2002 թվականից ի վեր: 

«Տնօրենների խորհուրդը գիտակցում է այն անհամապատասխանությունը, որը կա այն բանի միջև, որ ակումբի 8 ֆուտբոլիստ նոմինացված է «Ոսկե գնդակի» համար և այն ցուցանիշները, որոնք հիմա ունի ակումբը»,- ասված է մադրիդցիների պաշտոնական հայտարարության մեջ: 

Խուլեն Լոպետեգեն Մադրիդ եկավ մարզչական աշխատանքի անցնելու՝ սկանդալից հետո: Մայիսի 22-ին նա երկարաձգեց պայմանագիրն Իսպանիայի ազգային հավաքականի հետ և պատրաստվում էր հավաքականի հետ մասնակցել Աշխարհի այս տարվա առաջնությանը: Հունիսի 12-ին «Ռեալ»-ը հայտարարեց Լեպետեգեի նշանակման մասին: Առաջնության մեկնարկից մեկ օր առաջ երկրի ֆուտբոլի ֆեդերացիան գլխավոր մարզչին պաշտոնանկ արեց: