Ինչպես ԵՊՀ-ն «փչացրեց» Սանասարյան Դավիթին

NEWSPRESS.am-ը վաղուց է խոշորացույցի տակ առել ՀՀ պետական վերահսկողության ծառայության պետ Դավիթ Սանասարյանի աշխատանքային գործունեությունը։ Եվ այս գործչի յուրաքանչյուր հրապարակումից հետո մենք ունենում ենք մի նոր թեմա՝ նրան անդրադառնալու և քննադատելու։

Ինչո՞ւ է այդպես։ Բանն այն է, որ հեղափոխությունից հետո պետական ապարատ լցվեցին մարդիկ, ովքեր ունեն միտինգային տրամաբանություն, չունեն պետական կառավարման փորձ, գիտելիքներ, միայն 6-ամսյա հանրային կառավարման կուրսեր են անցել ԱՄՆ-ում։

Այդպիսին է մեր սիրելի Դավիթ Սանասարյանը, ով ամեն անգամ «իր գլխից մեծ կոռուպցիոն բացահայտման» մասին է խոսում և ոչ մի անգամ դա փաստաթղթով չի ապացուցում։

Այդպես եղավ նաև երեկ՝ Կառավարութան նիստից հետո ճեպազրույցում հայտարարեց․ «Ագրարային համալսարանի նախկին ռեկտորը համաձայնել է 350 մլն դրամ վճարել պետբյուջե՝ պետությանը վնաս հասցնելու համար, և հիմա իրավապահների հետ փորձում ենք հասկանալ ճանապարհները»:

Ըստ Սանասարյանի՝ առաջիկայում ԵՊՀ-ում ևս կվերջացնեն ստուգումները. «Լուրջ խախտումներ ԵՊՀ-ում ևս կան, որևիցե բան չեմ կարող ասել, բայց նախնական տվյալներով՝ երկու անգամ կամ ավելի գերազանցելու է Ագրարային համալսարանում»,-ասաց նա:

Ագրարարայինի նախկին ռեկտորից դեռևս պատասխան չկա, բայց ԵՊՀ-ն մանրակրկտորեն, ամենայն բծախնդրությամբ՝ իր հայտարարությամբ «փչացրեց» Սանասարյանին, որին դեռևս Պետական վերահսկողության պետը չի պատասխանել՝ հավանաբար՝ պատասխան չունենալու պատճառով։

ԵՊՀ-ից պահանջել են հրապարակել իր հայտարարության համար հիմք հանդիսացած փաստարկները՝ հակառակ դեպքում՝ դիմելու են իրավունքի դատական պաշտպանության։

Ուշադրության արժանի հայտարարությունը փաստում է, որ Դավիթ Սանասարյանը չի դադարում բարձրագոչ ելույթներ ունենալ՝ ցույց տալով՝ իբր աշխատում է։

Ի դեպ, սա Հայաստանի պատմության մեջ առաջին դեպքն է, որ Ծառայության ուսումնասիրությունների առումով ինչ-որ կառույց կարողանում է «դուխ անել» նման հայտարարությամբ հանդես գալ և սպառնալ իրավական ճանապարհով հարցերը հարթել։

Իրականում, Սանասարյանի պատճառով հեղինակազրկվեց Վերասկողության ծառայությունը, այլևս այն լուրջ չի ընդունվում և միայն ասոցացվում է «գյուղերում միտինգներ բռնած ջահելի հետ»։

Ականջդ կանչի, Հովհաննես Հովսեփյան։

NEWSPRESS.am