Ոնց դրամապանակդ միշտ լիքը պահես. դասեր՝ Փաշինյանից

Հայաստանում բիզնես գործունեություն ծավալողներին՝ խոշոր, թե փոքր, բիզնես դասեր տալու սովորություն ունեն, փաստորեն, ոչ միայն պատգամավոր Սամվել Ալեքսանյանն ու նախկին վարչապետ Կարեն Կարապետյանը, այլ նաև բիզնեսից հազարավոր կիլոմետրեր հեռու գտնվող վարչապետի ժամանակավոր պաշտոնակատար Նիկոլ Փաշինյանը: 

Վարչապետի պաշտոնից հրաժարական տալուց հետո Նիկոլը պարապ է մնացել և այսօր որոշել գնալ Հյուսիսային պողոտա, շրջել սիրիահայերի տաղավարներով ու ծանոթանալ ցուցադրված ապրանքներին:

Տաղավարներից մեկում Փաշինյանը տեսավ իր դիմանկարով կախազարդեր և ոգևորված սկսեց ասել, որ լավ առևտուր անելու համար պետք է ճիշտ մարքկեթինգ և մենենջմենթ անել:

«Պետք է հարցում անել, որ ապրանքն ա, որ մարդկանց հետաքրքրում ա, որ ապրանքն ա, որ ավելի գրավիչ ա, այսինքն՝ էդ մարքեթինգն ու մենեջմենթն իսկապես պետք են:

Ենթադրենք՝ 2 հոգի նրբերշիկ է վաճառում՝ 15 տարվա ընթացքում մեկը ռեստորան ա բացում, մեկը տոկոսի տակ ա ընկնում»,-իր խոսքը շարունակեց Փաշինյանը՝ 100 տարվա առևտրականներին դասեր տալով համահունչ արձագանքել շուկայի պահանջին:

Նման զիլ խորհուրդներ եթե սփյուռքահայ առևտրականները լսեին բիզնեսից գլուխ հանող մեկից, գուցե դրան վերբերվեին լրջությամբ, բայց քանի որ Փաշինյանն, ըստ էության, որևէ նոր բան նրանց չասաց, այլ ընդամենը տեսախցիկների առաջ ևս մեկ անգամ մարդամոտ և շփվող պաշտոնյա խաղաց, սիրիահայ առևտրականներն այդքան էլ դրանից չոգևորվեցին:

Փաշինյանը մարքեթինգի տեղը ցույց տալուց առաջ, նախ՝ ճիշտ կաներ՝ խոսեր Հարկային օրենսգրքից, կամ որ ավելի ճիշտ է ասել՝ առևտրականների գխին պատուհաս դարձած օրենսգրքից, որը փոխում են, փոխում, բայց դեռ դրա վերջը չի երևում, իսկ քանի որ երկրում միայն զոռբայությամբ ԱԺ խորհրդարանական ընտրություններ անցկացնելն է էական, ուստի Հարկային օրենսգիրքն ու առևտրականների հարկային բեռի թեթևացումը կսպասի:

Ստեղծված իրավիճակում, Փաշինյանը լավ կաներ՝ առևտրականների մոտով աննկատ անցներ՝ առանց ի ցույց դելու յուր ներկայությունը, որից առևտրականներին ոչ տաք է լինում, ոչ սառը, և դա՝ հատկապես այն համատեքստում, որ եթե այս տարի զբոսաշրջիկների հաշվին առևտրականները կարողացել են մի քանի կոպեկ աշխատել, ապա հաջորդ տարի դրանից էլ կզրկվեն, քանի որ ժողովրդավարությունից բռնապետության անցում կատարող երկիրն այլևս կդադարի հետաքրքրել զբոսաշրջիկներին:

NEWSPRESS.am