«Ոչ»–ի քարոզարշավը ձնագնդի էֆեկտով աճում է

«Ոչ»–ի քարոզարշավը ձնագնդի էֆեկտով աճում է։ Եթե նորմալ ժողովրդավարական երկրում ապրեինք, այսօր արդեն կասեինք, որ «Ոչ»–ի շարժումը հաղթանակած է»: Այս մասին այսօր` նոյեմբերի 20–ին, սահմանադրական փոփոխությունների դեմ ձեւավորված «ՈՉ»–ի ճակատի հանրահավաքին Ազատության հրապարակում ասաց ՀԱԿ կուսակցության փոխնախագահ, «Ոչ»–ի ճակատի շտաբի ղեկավար Լեւոն Զուրաբյանը;

Նրա խոսքով` «ոչ»–ի ճակատի հաղթանակի գլխավոր մարտավարությունը պետք է լինի սահամանդրական փոփոխությունների հանրաքվեին: «Ժողովրդի ակնհայտ, ջախջախիչ մեծամասնությունը դեմ է սահմանադրական փոփոխություններին»,– ասաց Զուրաբյանը։

«Եթե ժողովուրդը զանգվածաբար գնա «ոչ» քվեարկելու, կլուծվեն մի քանի խնդիրներ։ Ժողովրդի կամքը հստակ ներկայացված կլինի, ինչը մեր վստահված անձանց թույլ կտա եռակի եռանդով պաշտպանել նրանց քվեները։ Եթե բոյկոտ լինի, նրանք պաշտպանելու բան չեն ունենալու։ Բարձր մասնակցությունը կկրճատի բազմակի քվեարկության` ռեժիմի հնարավորությունը։ Ժողովրդի բարձր տրամադրությունը եւ «ոչ» քվեարկելու հակվածությունը կնվազեցնի ընտրակաշառք բաժանելու ազդեցությունը»,– բացատրեց  Զուրաբյանը։

Մյուս խնդիրը, որը, ըստ Զուրաբյանի, կլուծի ժողովրդի բարձր ակտիվությունը, այն է, որ դրանով կհերքվի ընտրողների թվի պաշտոնական ցուցանիշը։

«2008–2015թթ երկրից պաշտոնական տվյալով արտագաղթել է ավելի քան 350 հազար մարդ։ Եթե ընտրողների պաշտոնական թիվը 1 միլիոն 100 հազար է, ապա եթե նույնիսկ 500 հազար մարդ «ոչ» ասի, «այո»– ն չի անցնելու»,– ասաց Զուրաբյանը։