Եռագույն գուլպաներն անուղեղ, հիմար գաղափար է. ուրիշ ազգեր ուսերին են պահում, սրանք՝ ոտքի տակ գցում (լուսանկարներ)

Հայ դիզայներները եռագույն գուլպաներ են պատրաստել Կանադայի վարչապետ Ջասթին Թրյուդոյի և ՀՀ վարչապետ Նիկոլ Փաշինյանի համար:

Նախաձեռնող խմբի անդամները վստահ են, որ իր բազմագույն ու բազմաոճ գուլպաներով Թրյուդոն կարող է պարզապես այդ կերպ ճանաչելի դարձնել Հայաստանը:

Թե ինչու են ընտրվել հենց գուլպաները, որոնք վարչապետերը կկրեն իրենց ոտքերին և որոնք կերևան նրանց տաբատների և կոշիկների արանքից, պարզ չէ, միայն թե այս ամենն այնքան էլ դուր չի եկել հայ հասարակությանը: Եվ դա տրամաբանական է. Հայաստանը ճանաչելի դարձնելու համար թերևս կան ավելի հետաքրքիր ու արժանապատիվ ներկայացնելու տարբերակներ: Իսկ որպես հուշանվեր կամ Հայաստանի խորհրդանիշ, հայ դիզայներները կարող էին մտածել մեկ այլ տարբերակ, օրինակ նվեր՝ վերնաշապիկի, գլխարկի կամ, ասենք, փողկապի տեսքով, որոնք ոտքի տակ չէին ընկնի:

Իհարկե, հայ դիզայներները հաշվարկել են, որ ԶԼՄ-ների ուշադրությունը մշտապես Ջասթին Թրյուդոյի բազմատեսակ գուլպաների վրա է և հույս ունեն, որ հայկական դրոշն էլ չի վրիպի նրանց աչքից: Սակայն, եթե հետևենք նրանց այս տրամաբանությանը, ապա կարելի է ասել՝ մեր բախտը բերել է, որ Կանադայի վարչապետը, ներեցեք արտահայտության համար, բազմատեսակ անդրավարտիքներ չի հագնում, և Հայաստանի դրոշը նրան այդ տարբերակով չեն նվիրում:

Ֆեյսբուքյան մի շարք օգտատերեր, արձագանքելով այս «յուրօրինակ» նվերին, իրենց դժգոհությունն են հայտնել: NEWSPRESS.am-ը ներկայացնում է դրանցից մի քանիսը.

Սուսաննա Ստեփանյանը գրել է. «Հիմար գաղափար է, մեր եռագույնի տեղը ամենացածրը մեր սրտերի բարձրության մակարդակի վրա պիտի լինի, ու ավելի բարձր: Անհասկանալի սեռի ներկայացուցիչներին հաճոյանալու համար մեր սրբությունը իջեցնում եք դրանց ոտքերին»:

Մարո Հովհաննիսյան. «Մեկը չկա՞ էս դեբիլին արժանապատվության դասեր տա։ Դու դրոշ ես վաստակե՞լ, որ ուրիշի ոտքին ես հագցնում։ Ու ինչքա՞ն մարդ ա աշխատել էս հիմար գաղափարի ու գուլպայի վրա, մեկը չի՞ ընդդիմացել, ոչ մեկի մեջ արժանապատվություն չի՞ եղել...»:

Անդրանիկ Կսպոյան. «Լավ ա տրուսիկ չեք կարել, արա, ո՞վ եք դուք, խելքներդ գլուխներդ հավաքեք, եթե կա իհարկե: Չնայած էսքանից հետո ինչի՞ մասին է խոսքը: Դուք ուղղակի խայտառակում եք մեր «ռեսպուբլիկան»... ես ձեր...»:

Իսակ Ազատյան. «Թաշկինակ էլ պատրաստեք, կարողա գրիպ լինի մի լավ կօգտագործի ու մեզ կհիշի, քամակ մի մտեք, ամոթ ա, ծիծաղել եք տալիս ու խայտառակում մեր ազգը... ազգին ծիծաղի ու ծաղրանքի մի արժանացրեք մի քծնվեք»:

Լուիզա Զաքարյան. «Ինձ համար անընդունելի գաղափար է, նասկու վրա մեր դրոշը, այդ «դիզայներին» խելքի բերեք»:

Մարիամ Մացակյան. «Մենակ չասեք կրեատիվ է, Հայաստանը նման կերպ ճանաչելի դարձնելու գաղափարը, կասեի ավելի ստորացնող է»:

Մուսիկյան Գեղամ «Հիմար գաղափար»...

Հասմիկ Սելիմյան. «Անուղեղ...»

Մելինե Խ-յան. «Փողկապ պատրաստեք, եթե զուտ աչքի ընկնելու գաղափարն է հիմքում»:

Նարե Դումանյան. «Հայկական դրոշով կարող էիք գլխարկ նվիրել, ոչ թե գուլպա, մեր դրոշը ոտնատակ անելու համար չի, ա՛յ անուղեղ դիզայներ... լավ, բա մեկը չկա՞, որ էս տգետին կողքից ճիշտ խորհուրդ տա»:

Կարինե Հայրապետյան. «Մարդիկ, եթե ծնված են սողալու համար, քայլել, բարձր նայել ու թռնել չեն կարող: Ափսոս այդ մտածելակերպն աշխատացնելու համար օգտագործում են հայկական խորհրդանշանները: Ուրիշ ազգեր վերնաշապիկներ են գծագրում, որ ուսներին պահեն, սրանք նասկի, որ ոտքի տակ գցեն»: