Պիտի խնդրեմ չափը չանցնել. ՀՀԿ-ական պատգամավոր (տեսանյութ)

Ֆրանկոֆոնիայի միջազգային կազմակերպության 17-րդ գագաթնաժողովի քննարկումներն ինչ-որ պահից դանդաղեցին՝ կապված իշխանափոխության գործընթացի հետ, բայց բոլորովին հանկարծ տպավորություն չստեղծվի, որ նոր կառավարությունը զրոյական կետից է սկսում: Այդ մասին այսօր Ազգային ժողովի արտահերթ նիստում ասաց ԱԺ Հանրապետական խմբակցության պատգամավոր Մարգարիտ Եսայանը: 

Նա մի քանի շեշտադրում արեց. «Առաջին՝ այս գագաթնաժողովի կազմակերպումը նախկին իշխանություների՝ արտգործախարարի, նախագահի, պառլամենտի, բազմաթիվ պաշտոնյաների ջանքերի արդյունքում է ձևավորվել: Նաև Շառլ Ազնավուրի մեծ ներգրավվածությունն այս գործում եղել է: Դուք գիտեք, որ մենք Ֆրանկոֆոնիայի լիարժեք անդամ ենք՝ և՛ կառավարությունը, և՛ Ազգային ժողովը, բայց գիտեք նաև, որ ոչ բոլորս ենք խոսում ֆրանսերեն: Այնտեղ չափանիշներ կան, որ մեզ համար մեղմացվել է: Վերջերս մամուլում կեղծ հրապարակում եղավ, մենք արձագանքեցինք, բնակաբանար, բայց պիտի խնդրեմ որոշ քաղաքական ուժերի և լրատվամիջոցների չափը չանցնել. կեղծիքը, սուտը և ապատեղեկատվությունը նույնպես պիտի չափ ու սահման ունենան,- ասաց Եսայանը»:

Մանրամասները՝ տեսանյութում