Նախկին կառավարությունը սխալ չի եղել. տրանսպորտի նախարարը՝ աջ ղեկով մեքենաների մասին (տեսանյութ)

«Հիմա 2020 թվականի հունվարի մեկից ամբողջ ԵԱՏՄ-ում արգելվելու է աջ ղեկի ներմուծումը, իսկ մենք հիմա ենք արգելել: Եթե մենք այս պահին թույլ տանք, որ Ճապոնիայից կամ արևելյան երկրներից ներմուծեն, մի երեք ամիս հետո այդ մեքենան հասնի, եթե դեկտեմբերից էլ 3 ամիս չպետք է բերեն, որ Հայաստան հասցնեն, մի քանի ամիս է մնում, իմաստը ո՞րն է հետ քայլի»:

Այդ մասին լրագրողների հետ զրույցում հայտարարեց ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը՝ անդրադառնալոբ աջ ղեկով մեքենաների շահագորշման արգելմանը:

Նախարարը հիշեցրեց, որ առաջին անգամ, երբ նախագիծը մտցվել է Կառավարություն, այնտեղ արգելքի ժամկետ է նշված եղել՝ հոկտեմբերի մեկը, հետագայում արդեն անժամկետ է ընդունվել:

Ամնեն դեպքում նախարարը դեմ է աջ ղեկով մեքենաների շահագործման արգելքին, թե ինչու՝ պարզապանում է. «Ասենք երեխա է նստած վարորդի կողքին, դուռըւ բացում է...». լրագրողները ընդհատեցին նախարարին՝ նշելով, որ երեխան վարորդի կողքին չի նստում:

«Լավ, թող մեծ լինի, դուռը բացեց, մեկ այլ մեքենա եկավ խփեց...»,-ասաց Աշոտ Հակոբյանը:

Իհարկե կարելի է նույն տրամաբանությամբ մտածել, որ մեկ այլ մեքենա կարող է նաև հենց ձախ ղեկով մեքենայի վարորդին խփել իջնելիս, սակայն նախարարն այդ մասին ճխոսեց, նա միայն նկատեց, որ նախկին կառավարության աջ ղեկն արգելելու հետ կապված որոշումը ինքը ողջունում է:

Մանրամասները՝ տեսանյութում