Գռզոն որոշել է խլե՞լ Լֆիկից հացահատիկի ներկրման մենաշնորհը
Վրաստանի տարածքով հացահատիկների փոխադրման նոր կարգը ոչ միայն հայաստանցիներին անակնկալի բերեց, այլև կասկածի տեղիք տվեց, թե ինչո՞ւ հենց հիմա Վրաստանը հասկացավ, որ իր տարածքի ճանապարհները հացահատիկով բեռնավորված Հայաստան եկող մեքենաները վնաս են հասցնում։
Վրաստանի տրանսպորտի նախարարի հրամանի համաձայն՝ ցորենը և ալյուրը Վրաստանի տարածքով պետք է տեղափոխվեն նավային և երկաթգծային տրանսպորտով:
NEWSPRESS.am-ի տեղեկություններով՝ Վրաստանի այս անակնկալ որոշման մեջ իր մասնակցությունն ունի «ՍԻԼ Կոնցեռն» ՍՊԸ-ի հիմնադիր Խաչատուր Սուքիասյանը՝ Գռզոն, ով փորձում է այս կերպ խլել ՀՀԿ-ական Սամվել Ալեքսանյանին պատկանող «Ալեքս Գրիգ»-ի մենաշնորհը՝ հացի շուկայում։ Իհարկե, չի բացառվում, որ մինչ օրս նա այս ուղղությամբ չէր մտածել, սակայն հիմա, երբ երկրում իրավիճակ է փոխվել, հնարավոր է Գռզոն ուղղակի որոշել է օգտագործել հարմար առիթը՝ իր օգտին։
Մեր տեղեկություններով՝ Խաչատուր Սուքիասյանը պայմանավորվածություն է ձեռք բերել ազդեցիկ մարդկանց հետ՝ հույս ունենալով, որ Սամվել Ալեքսանյանը՝ Լֆիկը, կհրաժարվի հացահատիկի ներկրումից, քանի որ ցորենն ու ալյուրը գրեթե ամբողջությամբ ներկրվում են բեռնատար ավտոմեքենաներով՝ այն պարզ պատճառով, որ դա էժան է ստացվում, իսկ նավերին ու գնացքներին անցնելու դեպքում տեղափոխման գինը որոշակիորեն կբարձրանա։
Չենք փորձում թվախեղդ անել ընթերցողներին և հաշվել, թե որքան կնստի հացահատիկի ներկրումն, ու Հայաստանում որքան կբարձրանա հացի գինը։ Պարզապես նկատենք, որ խնդիրն այստեղ շարունակում է մնալ Վրաստանի տարածքում երկաթուղային տրանսպորտով փոխադրվող հայկական բեռների համար սահմանված սակագինը։ Նախքան մեր երկաթուղին ռուսական կողմին հանձնելը, հայկական բեռների համար Վրաստանի տարածքում գործում էր 17% զեղչ, իսկ կոնցեսիոն պայմանագրի կնքումից հետո, քաղաքական պատճառներով, այն վերացավ։ Կզեղչվե՞ն գները կրկին, թե՞ ոչ, դեռ կերևա, իսկ առայժմ՝ շատ շուտով, պարզ կդառնա, թե ինչով կամ ում հետ էր պայմանավորված Վրաստանի արգելքը։
Մեր աղբյուրի փոխանցմամբ՝ սեպտեմբերի 15-ից Գռզոյին պատկանող ընկերությունն արդեն իսկ զբաղվելու է Փոթիի նավահանգստով իրականացվող ցորենի բեռների փոխադրմամբ։
Այլ կերպ ասած՝ ամպագոռգոռ հայտարարությունները, թե մենաշնորհը վերանալու է՝ փուչիկ է։ Գոնե այս դեպքում, հացահատիկի ներկրման մենաշնորհը փաստորեն մի օլիգարխից փոխանցվում է մյուսին՝ այն էլ բռնի կերպով ու խաբեությամբ։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
