Սպիտակ տունը նույնպես պիտի պայթեցվեր, եթե․․․ Ինչպե՞ս կազմակերպվեց սեպտեմբերի 11-ի ահաբեկչությունը (լուսանկարներ)

2001 թվականի սեպտեմբերի 11-ին Նյու Յորքում տեղի ունեցավ մարդկության պատմության ամենամեծ ահաբեկչությունը, ինչի արդյունքում եղավ 2996 զոհ, 24 անհետ կորած ու 6000 վիրավոր։ Ահաբեկչության հեղինակները «Ալ-Քաիդա» խմբավորումն էր։ Ահաբեկչությունն իրականացրեց 19 ահաբեկիչ։

Հասկանալու համար, թե ինչպես սկսվեց Ամերիկյան ողբերգությունը՝ սկսենք սկզբից։

Ինչպե՞ս իրականացվեց ահաբեկչությունը

Ահաբեկիչները գրավում են 4 ինքնաթիռներ՝ Լոգան, Դալլես ու Նյուարկ քաղաքներից, որոնք պիտի մեկնեին Կալիֆորնիա։ Ահաբեկիչները վերցնում են 4 ինքնաթիռներն ու օդ բարձրանում։ Առաջին երկու ինքնաթիռները բախվում են «Համաշխարհային առևտրի կենտրոնի» երկու աշտարակներին։ Աշտարակները մեկը մյուսի ետևից պայթում են, փլուզվում։

Երրորդ ինքնաթիռն ուղղություն է վերցնում դեպի Պենտագոնի շենք, որտեղ բախվում է շենքին ու ավերում նրա մի մասը։ Իսկ չորրորդ ինքնաթիռում, որտեղ լինում են նաև ուղևորներ ու ինքնաթիռի անձնակազմը, օդ բարձրացած ինքնաթիռի մեջ պայքարում են ահաբեկիչների դեմ, որպեսզի վերցնեն ինքնաթիռի կառավարումը, քանի որ ահաբեկիչներն այդ ինքնաթիռով պայթեցնելու էին Կապիտոլիումի շենքը՝ «Սպիտակ տունը»։ Արդյունքում ինքնաթիռն ընկնում է Փենսիլվանիա նահանգում։ Ամենայն հավանականությամբ այն ընկնում է ինքնաթիռի ներսում տեղի ունեցող պայքարի արդյունքում և ինքնաթիռը չի հասնում «Սպիտակ տուն»։ 

Ահաբեկչությունից հետո ԱՄՆ-ում ու Կանադայում իջեցվում են բոլոր թռչող օբյեկտները։

Ի՞նչ ավերածություններ տեղի ունեցան ահաբեկչությունից հետո

«Համաշխարհային առևտրի կենտրոնի» երկու երկնաքերերը, որոնք ունեին 110 հարկ, փլուզվեցին ամբողջությամբ։ Փլուզվեցին նաև երկնաքերերի մոտոկայքում գտնվող հունական ուղղափառ եկեղեցին, հյուրանոցի ու քոլեջի շենքը։ Վնասվեցին նաև պահոցներ, որտեղ այնպիսի արժեքավոր ու արխիվային նյութեր էին, ինչպես Օգյուստ Ռոդենի և Ալեքսանդր Կոլդերի քանդակները, ԱՄՆ նախագահ Ջոն Քենեդուն պատկանող ավելի քան 40 հազար լուսանկարներ ու արխիվային տեսանյութեր։ Ահաբեկչության հետևանքով Պենտագոնի շենքի մի թևը պայթեց ու վնասվեց։ 

Զոհեր, վիրավորներ, անհետ կորածներ ու փրկվածներ

Ահաբեկչության հետևանքով ընդհանուր առմամբ զոհվեց 2977 մարդ, ինչպես նաև 19 ահաբեկիչները։ Վիրավորվեց մոտ 6000 մարդ, իսկ 24 մարդ մինչ օրս համարվում է անհետ կորած։ «Համաշխարհային առևտրի կենտրոն»-ի պայթյունի հետևանքով զոհվեց մոտ 2606 մարդ։ Զոհվեցին ինքնաթիռներում գտնվող 246 ուղևորներ, իսկ Պենտագոնի շենքում զոհվեց ավելի քան 125 մարդ։ Զոհերի թվում էին ինչպես ԱՄՆ, այնպես էլ աշխարհի ավելի քան 91 երկրների քաղաքացնիներ։ Զոհվեցին նաև հրշեջներ, փրկարարներ, ոստիկաններ, ինչպես նաև բժիշկներ։

Ովքե՞ր էին ահաբեկիչները և ո՞վ էր կանգնած նրանց թիկունքում

Ահաբեկչությունից անմիջապես հետո համաշխարհային մամուլն այս ահաբեկչությունը կապեց «Ալ-Քաիդա» խմբավորման հետ։ Պարբերականները նշում էին, որ ահաբեկչության թիկունքում կանգնած է Ուսամա Բեն Լադենը։ Այն օդանավակայանում, որտեղ ահաբեկիչները խլել էին ինքնաթիռները, մնացել էին բոլոր 19 ահաբեկիչների փաստաթղթերը, լուսանկարներն ու տեղեկություններ նրանց մասին։ Այս տեղեկություններից պարզ դարձավ, որ ահաբեկիչները Սաուդյան Արաբիայի, Լիբանանի, Եգիպտոսի, ինչպես նաև Արաբական Միացյալ Էմիրությունների քաղաքացիներ։ Սրանից զատ ԱՄՆ հատուկ ծառայույթյունները կարողացան ձեռք բերել ձայնագրություններ, որոնք ցույց էին տալիս և ուղղված էին Ուսամա Բեն Լադենին։Միայն 2011 թվականի մայիսի 1-ին ԱՄՆ հատուկ ծառայությունները Պակիստանում կարողացան սպանել Ուսամա Բեն Լադենին։