«Տականքների հարազատները մեզ ահաբեկում են». Սպանված կուրսանտի ծնողներն արդար լուծում են պահանջում

Վազգեն Սարգսյանի անվան ռազմական ինստիտուտում հունվարի 29-ին սպանված կուրսանտ Հայկազ Բարսեղյանի գործով դատական առաջին նիստը տեղի ունեցավ երեկ, սակայն այն չսկսված` ավարտվել էր, քանի որ երբ նիստերի դահլիճ էին բերվել ամբաստանյալները իրավիճակը սրվել էր: Ամբաստանյալների հարազատները սադրել էին սպանված կուրսանտի հարազատներին, իսկ սպանված կուրսանտի ծնողներն էլ փորձել էին մոտենալ մեղադրյալներին:
Հիշեցնենք, որ Հայկազ Բարսեղյանի համակուրսեցիներ Վաչե Սահակյանին, Մովսես Ազարյանին, Գնել Թևոսյանին և Նորիկ Սահակյանին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 7-րդ և 10-րդ կետերով՝ մի խումբ անձանց կողմից խուլիգանական դրդումներով սպանության համար:

Newspress.am– հետ զրույցում դաժանորեն սպանված կուրսանտի ծնողները` Արկադի Բարսեղյանը և Արմինե Միքաելյանը նշեցին, որ ամբաստանյալները և նրանց ներկայացուցիչները միտումնավոր փորձում են ձգձգել դատական գործընթացը` հերքելով նախաքննությամբ ապացուցված փաստերը, դիմում են նաև սադրանքների. «տականքներից մեկը` գնդապետի որդի Գնելը, հպարտ գլուխը բարձր կեցվածքով էր նստած դատարանում, դա մեզ հունից հանեց աչքերում անգամ զղչում չկար, մեզ չար հայցքով էր նայում, տականքներն իրենց հերոս էին զգում»,-մանրամասնեցին ծնողները: Նրանք նաև պնդեցին, որ դատարանի դահլիճում ամբաստանյալների հարազտաները, ընկերները սպառանացել են, հայհոյել. «այդքան բանից հետո դատավորը մեզ նախազգուշացում արեց. «բա ի՞նչ էիք ուզում, էսքանից հետո, նրանք մեզ ահաբեկեն, ես նստեմ լսե՞մ, չի լինի ընտենց»,-նշեց Արկադի Բարսեղյանը:
Նա նաև նկատեց, որ ամբաստանյալները ոչ միայն չեն զղչում իրենց արածի համար, նույնիսկ չեն ցավակցում. «ավելին` Վաչե Սահակյանի մայրը ոտու ձեռա ընկել, անգամ նախագահին է նամակ գրել, հայտարելով, որ իր որդու իրավունքները խախտվել են, ինչո՞ւ են քննիչները հենց սկզբից անուներ տվել և այլն»,-պատմեց Արկադի Բարսեղյանը` հավելով, որ ամբաստանյալներից մեկի հարազատներն էլ փորձել են համոզել գործով վկաներից մեկին, որպեսզի ցուցմունք չտա:
Արկադի Բարսեղյանի խոսքով` այս գործը արդարացի հանգուցալուծում կստանա միայն այն ժամանակ, երբ Գնել Թևոսյանի գնդապետ հայրն էլ պատասխանատվության ենթարկվի:
Մանրամասները` տեսանյութում