Հանրությունը պետք է պահանջի ոչ թե շոուներ, այլ դառնա ավելի ռացիոնալ խնդիրներ լուծելու պահանջատեր․ քաղաքագետ
Քաղաքագետ Երվանդ Բոզոյանը նոր իշխանության կողմից իրականացվող կոռուպցիայի դեմ պայքարին դժվարանում է որևէ կոնկրետ գնահատական տալ։ Նա NEWSPRESS.am-ի հետ զրույցում նկատեց, որ կոռուպցիայի դեմ պայքարը կարող է շատ մակերեսային բնույթ ունենալ և կարող է նաև խորքային բնույթ ունենալ։
Ամեն դեպքում, ըստ նրա, հանրությունը ստեղծված իրավիճակը (նկատի ունի ԱԱԾ-ի կողմից իրականացվող ձերբակալությունները- խմբ․) չի կարող ճիշտ գնահատել, քանի որ այսօր հանրությունը դեռևս հետհեղափոխական էյֆորիայի մեջ է։
«Հասարակությունն այսօր ցնծության մեջ է և ոգևորվում է միայն այն փաստից, որ այս կամ այն պաշտոնյան պատժվում է։ Մարդկանց մոտ դեռ չկա այն պատկերացումը, թե ի վերջո այդ շղթան ուր է հասնելու, ինչ տրամաբանություն է ունենալու, ինչ է շահելու հանրությունը, նաև մտածում են՝ արդյոք կա՞ այստեղ հիմնականում շոու, թե՞ ոչ, և, ընդհանուր առմամբ, ե՞րբ է սկսելու զարգանալ տնտեսությունը, որպեսզի մարդիկ արդեն իրենց վրա զգան սոցիալական վիճակի բարելավումը»,- ասում է Երվանդ Բոզոյանը՝ հավելելով, որ դեռևս խորքային խնդիրներն օդից կախված են։
Նրա խոսքով՝ քանի դեռ այդ էյֆորիան կա, խորքային խնդիրները չեն քննարկվի հանրության շրջանում։ Երվանդ Բոզոյանն ամեն դեպքում հույս ունի, որ ժամանակի ընթացքում հանրությունն ավելի սթափ կգնահատի և պահանջատեր կլինի։
«Հուսանք, որ հանրությունը պահանջատեր կլինի ոչ թե այդ շոուական էլեմենտների, այլ ավելի ռացիոնալ խնդիրներ ներդնելու համար՝ տնտեսական, սոցիալական, կրթական խնդիրների բարելավման և գոնե ճանապարհային քարտեզի պատկերացման առումով։ Հարկավոր է նաև առողջացնել բիզնես միջավայրը»,- համոզված է քաղաքագետը: Նա հավելում է, որ միայն այս դեպքում Հայաստանում կիրականացվեն խոշոր ներդրումներ, որոնց մասին դեռևս խոսակցություններ են, իսկ գործնական քայլեր չկան։
ՀԴԿ հիմնադիր, հասարակական-քաղաքական գործիչ Արամ Սարգսյանն էլ դրական է գնահատում երկրում տեղի ունեցած փոփոխությունները, բայց միևնույն ժամանակ նկատում է, որ պետք է փոխել Հայաստանի նկատմամբ մոտեցումը։ Նրա համար անընդունելի մոտեցում է, երբ Հայաստանն անընդհատ «ուզվորի» կարգավիճակում է։
«Պետք է ուշադրություն դարձնել տնտեսության զարգացմանը, քանի որ միայն այդ ժամանակ դրսում հաջողություններ կունենաք։ Երբ մեր տնտեսությունը լինի կայուն և ուժեղ, այն ժամանակ երկրները մեզ հետ հաշվի կնստեն, և մենք առաջադրողի դերում կլինենք, իսկ քանի դեռ ուզվորի դերում ենք, երկրներն իրենցն են թելադրելու»,- ասում է Արամ Սարգսյանը։
Թեև մյուս կողմից էլ, տնտեսության զարգացումից բացի, երկիրը հարկավոր է ուժեղացնել նաև արտաքին կապերի միջոցով։ Արամ Սարգսյանի դիտարկմամբ՝ Հայաստանի արտաքին դիվանագիտական կորպուսը ճիշտ չի աշխատում։
«Մենք հոգնել ենք ավելի քան երկու տասնյակ տարի կրկնելուց, որ Հայաստանի Հանրապետությունը չունի իր արտաքին քաղաքականությունը, դոկտրինը։ Սփյուռքում թեև ինչ-որ քայլեր արվում են, բայց համակարգված գործողություններ չկան․ մինչդեռ ունենք հայապահպանության, ցեղասպանության ճանաչման խնդիրներ և Արցախի հիմնահարց․․․ Վաղուց արդեն ժամանակն է դուրս գալ լոկալ հարցադրումից և չվախենալ սեփական առաջադրմամբ հանդես գալուց․․․»։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
