Արթուր Ասատրյանն իմ ընկերն է, և ես հպարտորեն բարձրաձայնում եմ. Արմեն Սարգսյանը՝ Դոն Պիպոյի մասին

Սպարապետ Վազգեն Սարգսյանի եղբայրը՝ Արմեն Սարգսյանը, ֆեյսբուքյան իր էջում անդրադարձել է Արթուր Ասատրյանի՝ Դոն Պիպոյի հետ տեղի ունեցածին և ներկայացրել նրան այնպես, ինչպես ինքն է ճանաչում: Նա նաև հարցում է հայտարարել. բոլոր նրանք, ովքեր կողմ կամ դեմ են, որ Ասատրյանը լինի ազատության մեջ, համապատասխանաբար դնեն մինուս կամ պյուս՝ ներկայացնելով իրենց տեսակետը:

«Արթուրն Ասատրյան իմ ընկերն է, և ես հպարտորեն բարձրաձայնում եմ էդ փաստը, ուզում եմ ներկայացնել իմ կարծիքն Արթուրի մասին.

Անմնացորդ նվիրված է Հայաստանի Հանրապետությանը. բազմիցս ներկա եմ եղել տարաբնույթ քննարկումների, որոնց ժամանակ ընդ որում արտերկրում և հանրաճանաչ մարդկանց ներկայությամբ, թե ինչ ոգևորությամբ ու սիրով է արտահայտվել ի փառս Հայ ժողովրդի և Հայրենիքի... հրաշալի հայր է և վստահ եմ նաև ամուսին: 35 տարի է ճանաչում եմ Արթուրին ու վստահ կասեմ, երբևէ չի խառնվել և չի միջամտել քաղաքական վայրիվերումներին... Արտերկրում Արթուրը ամենուր բարձր է պահել հայի արժանապատիվ անցյալը, տեսակն ու ոգին, առաջին քրիստոնյա ժողովրդի մաքառումները գոյատևման ճանապարհին... և այլն, և այլն...

Հիմա էս մարդուն մեղադրանք է առաջադրված իրեն սպանել ցանկացողներին ավելի շուտ հայտնաբերելու, քան ԱԱԾ-ն և ՆԳՆ-ն կհայտնաբերեին, և ոչ սիրալիր, կիլլերներին պահելու և պատվիրատուներին ճշտելու համա՞ր: Բա ի՞նչ աներ, կիլլերներին պաչեր դներ գլխի՞ն:

Ինչևիցե, ես կխնդրեի մասնակցել իմ կյանքում առաջին անգամ անցկացվող հարցմանը, եթե կուզեիք, որ Արթուր Ասատրյանը լիներ ազատության մեջ դրեք պլյուս կամ լայք, եթե հակառակը՝ դրեք մինուս և ցանկալի է ձեր մեկնաբանությունները. կանխավ շնորհակալ եմ քվեարկությանը մասնակցելու համար, Ձեր քվեարկությունը կարող է օգնել արդարադատությանը ...»,- գրել է Արմեն Սարգսյանը: