Տարոն Մարգարյանը ծանր հիվանդ էր․․․

Ասում են՝ Տարոն Մարգարյանը ծանր հիվանդ է: Որևէ փաստաթուղթ չկա, սակայն ասում են, և ասողը տեղակալն է, քաղաքապետարանի բոլոր քաղաքապետերի տեղակալ Կամո Արեյանը, որին եթե կարողանան թափ տալ, եթե իհարկե, հնարավոր լինի, ապա նույնքան կհետաքրքիր կլինի իրավապահների համար, ինչքան նրանց դեպքում, ում հետևից ԱԱԾ-ն արդեն գնում է։

Եվ այսպես, այս հանրահայտ տեղակալն է հայտարարել, որ Տարոն Մարգարյանը հիվանդ է: Ենթադրվում է, որ ծանր, մհակառակ դեպքու՝ Մարգարյանն է միշտ վարել ավագանու բոլոր նիստերը՝ առողջ, հիվանդ, թե կիսաահիվանդ ժամանակ։

Մնում է ենթադրել՝ շատ է հիվանդ՝ վերջին իրադարձությունների ֆոնին, մեկ էլ տեսար՝ նրան էլ, ինչպես Մանվելին, երկրով մեկ ի ցույց դնեն, թե այս ընթացքում ինչքան գումարներ է կրել տուն և իր ամբարները լցրել, թե որքան բիզնեսներ ունի, որքան գումարներ է զանազան հիմնադրամների միջոցով ուղղորդել դեպի սեփական գրպանը, թե որտեղից իրեն այդքան փող, որ պալատներ ու դղյակներ, ամառանոցներ է կառուցել․ իրոք հնարավոր է հիվանդանալ, անգամ՝ անկողին ընկնել։

Եթե ամենազոր Վաչոյին են կուլակաթափ արել, ով նաև պաշտպանվելու ռեսուսրներ ուներ, ապա բամբակի մեջ մեծացած, կյանքում չոր մահճակալին չպառկած, մի կտոր հացի հույսին չմնացած Տարոն Մարգարյանը գարնան ծաղկի նման կչորանա՝ հենց սառնաշունչ ձմեռը փչի։

Եթե Տարոն Մարգարյանը կարծում էր՝ ծովը ծնկներից է և վերև չի բարձրանա, որ քաղաքապետի թիկնակից իրեն ոչ ոք չի սասանի՝ անգամ ժամանակը, որ հավիտենական է ՀՀԿ-ն և ամենայն զինչ ինչպես երկրի վրա, այնպես էլ այնտեղ, ապա չարաչար սխալվեց։
Գուցե մտածի, որ ժամանակին պետք էր ոչ միայն սեփական հաշիվները ուռճացնել, այլ քաղաքի մասի՞ն մտածել, ոչ թե նույն փողոցը ամեն գարնան ասֆալտապատել, փողն ուղղորդել նաև ողջ գոյության ընթացքում երբեք ասֆալտի երես չտեսած փողոցները ևս, որտեղ, ինչ խոսք, մի քիչ դժվար էր փող թռցնելը, սակայն բարիք գործել՝ միանշանակ կարելի էր։

Չէր մտածու՞մ. որ Երևանի տրանսպորտի հարցը կարգավորել է պետք, ոչ թե փորձել գերհաստանալ կանգնած երթևեկող քաղաքացիների հաշվին, իսկ եթե այդ քաղաքացիները տրանսպորտի մեջ կանգնելուց բացի փողոցներո՞ւմ կանգնեն...

Դե այդքան չէր մտածել, իսկ հիմա հիվանդացել է և միայն այդ մասին է մտածում։

Ասում են՝ Տարոն Մարգարյանը ծանր հիվանդ էր և հասկանում էր, որ օրերը մոտենում են․․․

NEWSPRESS.am