Ո՞նց ա երեսիս նայելու, էդքան քֆուր ա կերել, թե զինվորի հացը գողացողի էսն ու էնը. գեներալ Սարոյանը հիասթափված է ընկերոջից

«Ով տուշոնկայա գողացել կամ մի ուրիշ բան, թող սուսուփուս տանեն վերադարձնեն բանակին»:

Անդրադառնալով գեներալ ՄԱնվելի պահեստում հայտանբերված իրերին և սննդին, որոնք նախատեսված էին զինվորների համար՝ ԱԺ լրագրողների հետ զրույցում ասաց Հանարապետական խմբակցության պատգամավոր, գեներալ Սեյրան Սարոյանը:

Նա ևս մեկ անգամ նշեց, որ տեղյակ չէր այդ պահուստի մասին:

«Նա զինվորի հացն է գողացել... էսքանից հետո մտածում եմ՝ ո՞նց ա իմ երեսին նայելու, ախր էդքան քֆուր ա կերել, թե զինվորի հացը գողացողի էսն ու էնը... Բոլորդ հիշում եք, մի քանի ամիս առաջ ասեցի՝ ով զինվորի տուշոնկեն գողանա, եթե դատախազն էլ չպատժի, Աստվածն ա պատժում... Հիմա իրա վատը գիտես ինչն ա, որ համ Աստված ա պատժում, համ դատախազը: Տո ընչի գողնալ, պետությունը հենց սկզբից մեզ տվել ա, խի էս պետությունը մեզի թողել ա սովա՞ծ, որ պտի էթայինք տուշոնկա գողնայինք: Էսի խառյառակություն էր»,- ասաց նա:

Նա կոչ արեց՝ ով բանակից բան է գողացել, թող սուս ու փուս տանի տա բանակին, միևնույն է, պատժվելու են: Գեներալը վստահեցնում է՝ երեկավնից շոկի մեջ է. ապրիլյան պատերազմի ժամանակ իրենք տարբեր ուղղություններում են եղել և տեղյակ չի եղել, թե ինչեր է արել Մանվել Գրիգորյանը:

«Էն երեխեքի նամակները... ես իմ արև՝ մեռած էի, թաղած չէի, երեկ էնքան վատ եմ եղել, բժիշկները մոտս են եղել: Ո՞նց կարելի էր հերոսից իջնել տուշոնկա գողացող: Խի Մանվելն ի՞նչ չուներ, նրա ինչն էր պակաս.. չգիտեմ խի տենց բան արեց»,- ասաց Սարոյանը:

Ինչ վերաբերվում է հայտնաբերված սեփականության վկայականներին և մեքնենաներին, ապա Սարոյանը դրանց մասին ևս տեղյակ չի եղել:

«Մանվելի աջ ձեռքը չի իմացել, թե ինչ է անում ձախ ձեռքը, ես որտի՞ց գիտեմ Մանվելն ինչ ունի, էդ ո՞վ գիտեր, էնի էնքան փակ մարդ ա եղել, իրա երեխեքը գիտեի՞ն Մանվելն ինչ ուներ»,- նշեց նա:

Մանվել Գրիգորյանի հայտարարությունը, թե ինքը կվերականգնի իր պատիվը, Սարոյանը անհեթեթ համարեց: «Էլ ի՞նչ, Էլ ի՞նչ պատիվ, զատիկից հետո կարմիր ձուն ինչ ա անելու: Հելնելու ա, էդ նամակների պատասխանը ոնց տա, ինչ պատիվ: Հիմա թող հելնի, իրան ճղի, թե տուշոնկեն սենց եկավ մեր տուն, չգիտեմ ով բերեց թափեց մեր դռան դեմը»,- հավելեց նա:

Անդրադառնալով Գրիգորյանի կնոջ պարզաբանմանը, թե սնունդը եղել է մի պառավ կնոջ տան, որ քիչ-քիչ տանեն զինվորներին, Սեյրան Սարոյանը բարկացավ:

«Ինչի՞, էդ առաջին գծում էդ ինչքան սնունդ կար, որ դա էլ քիչ-քիչ տանեին... զինվորները սոված էին... շատ եմ հիասթափված»,-ասաց նա:

Սարոյանը նաև հավելեց, որ իքնը վախենալու ոչինչ չունի, եթե ԱԱԾ-ն որոշի իրեն ստուգել: