Նիկոլ Փաշինյանը՝ էներգակիրների մասին. "До" и "После"
2018-ի մարտի 21-ին Ազգային Ժողովում
Դեռևս այս տարվա մարտ ամսին Ազգային ժողովում դեռևս պատգամավոր, դեռևս «Ելք» խմբակցության ղեկավար Նիկոլ Փաշինյանն անդրադառնում է Հայաստանի էլէներգիայի և գազի սակագներին։
Նիկոլ Փաշինյանի համար անհասկանալի է, թե ինչպես է, որ գազի հազար խմ-ն սահմանին հասնում է 150 դոլարի, սակայն 289 դոլարով այն վաճառվում է բնակիչներին: Ըստ նրա՝ կառավարության ներկայացուցիչները չեն պատասխանում այդ հարցին, հրաժարվում են, որովհետև պատասխանելը ձեռնտու չէ։
Խնդիրը, ըստ Նիկոլ Փաշինյանի, կառավարության գործունեությունից է բխում․ Հայաստանն ամենագազաֆիկացված երկրներից է, 2003-ին, երբ գազի մեկ խմ-ն 50 դրամ էր, ողջ երկիրը գազաֆիկացրին, «Հայռուսգազարդ»-ը գումարներ ծախսեց, և այդ ծախսերը մտան սակագնի մեջ։ Ի դեպ, Հայաստանի հատկապես գյուղական բնակավայրերը չեն օգտվում այդ գազից՝ թանկության պատճառով, գերադասում են ջեռուցումն իրականացնել վառելափայտի միջոցով։
Այս ամենն, ըստ Փաշինյանի, արվել է միմիայն ձայն հավաքելու համար, որից հետո ծախսերը ներառվել են գազի սակագնի մեջ և այժմ բոլորը վճարում են գազի, նաև խողովակների համար։
Նա հիշեցրել է հատկապես ՀՀԿ-ականներին, որ 2010-ականների սկզբին ՀՀԿ-ն խոստանում էր, որ շատ շուտով՝ էներգոկոլապսի խնդիրները լուծելուց հետո, էլէներգիայի սակագները կնվազեն, սակայն 61 տոկոսով թանկացել է, 8 տոկոսով իջել․ և այս տարիներին էլէներգիայի սակագինը թանկացել է 50 տոկոսով։
Ի դեպ, ՀԷՑ-ում չեն պատասխանել, թե ինչքան է ամենաբարձր աշխատավարձը, և ըստ Փաշինյանի, խոսքը 80 հազար դոլարի մասին է և դա նաև արտահայտված է սակագնի մեջ՝ կա պատճառահետևանքային կապ։
Այսօր կառավարությունում
Այսօր կառավարությունում արդեն վարչապետ Նիկոլ Փաշինյանն էր հետաքրքրվում էներգակիրների սակագների հետ կապված ուսումնասիրությունից: Էներգետիկայի և բնական պաշարների նախարար Արթուր Գրիգորյանը նշել է, որ քննարկումներ են իրականացվել բոլոր շահագրգիռ կողմերի հետ՝ էլեկտրաէներգիայի սակագնի վերանայման հետ կապված, գնահատվել են էներգետիկ ոլորտի ռիսկերն ու հնարավորությունները:
Նա նաև նշել է, որ այս պահին էլեկտրաէներգիայի սակագնի վերանայման հետ կապված կան մի շարք ռիսկեր, որոնք հնարավոր չէ հաշվի չառնել:
«Պատմության մեջ չի եղել, որ ատոմակայանն այս կարգով կանգնի: Ռիսկեր կան ժամկետից ուշ վերագործարկման վերաբերյալ, այդ առումով դա սակագնի վրա կարող է մեծ ազդեցություն ունենալ: Ռիսկը հաշվի առնելով՝ այս պահին չենք ուզում գնալ այդ քայլին»,- հայտարարել է էներգետիկայի և բնական պաշարների նախարարը:
Ինչ վերաբերում է գազի գնի հետ կապված ռիսկերին, ապա նախարարը նշել է, որ այս տարվա վերջ Ռուսաստանի հետ կա պայմանավորվածություն, որ սահմանի վրա 150 դոլարով է ներմուծվելու գազը և դրանից հետո կվերանայվի: Կա ռիսկ նաև դոլար-դրամ հարաբերակցության հետ կապված: Այս պահին միայն անապահով խավի համար 10 դրամով գազի սակագինը նվազեց՝ ՀԷՑ-ի շահույթների հաշվին։
Ի դեպ, երբ նախարարը կառավարության նիստին ներկայացրեց ռիսկերը, Նիկոլ Փաշինյանը նշեց, որ ռիսկերի մասին խոսվեց, իսկ կոռուպցիա՞ն․ շարունակեք ուսումնասիրությունները։
«Այդ քննարկումները պետք է շարունակվեն, որ մենք համոզվենք՝ այդտեղ ամեն ինչ ճիշտ է և արդյունավետ»,- արձագանքել է Փաշինյանը։
Ի դեպ, արդեն լրագրողների հետ զրույցում Արթուր Գրիգորյանը սակագների նվազեցման առնչությամբ նշել է, որ այդ առումով «քննարկումները շարունակվելու են», սակայն դա գտնվում է Հանրային ծառայությունները կարգավորող հանձնաժողովի տիրույթում, և իրենք միայն իրենց վերլուծություններն են ներկայացրել, ոչ ավելին։
Դեռևս հայտնի չէ՝ աշնանը ՌԴ-ի հետ գազի սակագնի շուրջ բանակցություններն ի՞նչ հունով կգնան՝ կթանկանա՞, կմնա նո՞ւյնը, թե՞ կէժանանա։
Պարզ է, որ նոր կառավարությունն էներգակիրների սակագների նվազեցման առումով հանդիպել է այն նույն խնդիրներին դեմ-հանդիման, ինչ նախկին կառավարությունը, թեև չի բացառվում, որ աշնանը ՌԴ-ն նույն բարեհաճը չլինի ՀՀ-ի հանդեպ, ինչպես նախկինում։ Իսկ գազի գնի նվազեցման մասին, անգամ անապահովների մասով՝ ոչ մի խոսք, նաև բազմահազարանոց աշխատավարձերի մասին չխոսվեց, միայն պոպուլիստական՝ մտահոգություն, քննարկումներ, ռիսկեր և այլն։
Ոչ մի խոսք, թե ինչու է սահմանում հազար խմ գազը 150 դոլար, իսկ սպառողներին 289 դոլար, ինչո՞ւ չեն նվազեցնում սակագինը և արդյոք էներգակիրների սակագնի նվազեցման խոստումները նույն նախընտրական ՀՀԿ-ական խոստումների շարքից չէին՝ «Ելք»-ի կատարմամբ արդեն։
Ինչպես ասում է վարչապետը՝ նոր իրողությունների պարագայում նոր իրողություններ են ի հայտ եկել, և պետք է առաջնորդվել արդեն բոլորովին նոր իրողություններով։
Իրո՞ք...
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
