«Իմ մոտ վախի չիպը հանած է». Մովսես Հակոբյանը՝ կոռուպցիոն բացահայտումների մասին

Սա մեր հաղթանակների սկիզբն է, և մենք բոլոր ժամանակներում պարտադրված ենք տոնել միայն հաղթանակներ:

Սարդարապատի հուշահամալիրում լրագրողների հետ զրույցում ասաց գլխավոր ռազմական տեսուչ Մովսես Հակոբյանը:

ԶՈՒ գլխավոր շտաբի արդեն նախկին պետը, խոսելով իր նոր պաշտոնի մասին՝ նշեց, որ պաշտոնի փոփոխությունն իր համար նշանակություն չունի՝ կարևորը որ հնարավորություն է ստեղծվում հայրենիքին ծառայելու, և դա իր համար արդեն իսկ մեծ պատիվ է:

Պատասխանելով լրագրողների հարցին և անդրադառնալով ԶՈՒ գլխավոր շտաբի պաշտոնում Արտակ Դավթյանի նշանակմանը' Մովսես Հակոբյանն ասաց. «Ես ասել եմ, բայց էլի կկրկնեմ՝ բանիմաց սպա է, կարծում եմ, որ ամեն ինչ լավ կլինի»:

Ինչ վերաբերում է ԱԱԾ ձերբակալություններին ու կոռուպցիայի բացահայտումներին, ապա Մովսես Հակոբյանը նշեց, որ մտավախություններ չկան, թե այդ բացայատումները կհասնեն ՊՆ, իսկ եթե ուրիշների մոտ կան մտավախություններ, ապա, ըստ Հակոբյանի, դա անտեղի է և փարատվելու է:

«Ես իրավաբան չեմ կամ դատախազ, որ գնահատականներ տամ և ձեզ էլ խորհուրդ կտամ իզուր գնահատականներ չհնչեցնել»,-ասաց բա:

Հարցին, թե իսկ հենց իր մասով նա մտավախություն չունի՞, որ կոռուպցիոն բացահայտումները կարող են առնչվել իրեն, Մովսես Հակոբյանը պատասխանեց. «ընդհանրապես իմ մոտ վախի չիպը հանած է»: