«Սպայկան» «արջի ծառայություն» է մատուցում երկրին
«Սպայկա» բեռնափոխադրող ընկերության անհեռատեսության հետևանքով Հայաստանի շուկան հայտնվել է ծանր վիճակում։
ՌԴ-Վրաստան անցակետից վերադարձված լոլիկը և վարունգն այժմ հայտնվել են հայկական շուկայում՝ միանգամից նվազեցնելով բանջարեղենի գինը․ լոլիկը 800 դրամից իջել է 400 դրամի։ Այս գինն այնքան էլ թանկ չէ այս սեզոնին, երբ ջերմոցատերերը ձմռանը կարողացել են բույս աճեցնել, ներդրումներ են կատարել և այժմ սպասում են եկամուտների։
Իսկ թե ինչո՞ւ է դաշտում նման իրավիճակ․ երկար տարիներ, երբ Թուրքիայից արգելված է սննդամթերքի ներկրումը Հայաստան, Վրաստանից թուրքական լոլիկ էր բերվում շուկան հագեցնելու համար։ Այս առումով ևս խնդիրները շատ էին, տեղի արտադրողը չէր կարողանում իր արտադրած լոլիկը իրացնել, ի դեպ, թուրքական լոլիկը ներկրվում էր այլ մթերքի անվան տակ։
Այժմ, թուրքական լոլիկի վերաարտահանմամբ պայմանավորված, իրավիճակն ավելի է բարդացել։
NEWSPRESS.am-ի տեղեկություններով` որոշ խոշոր բեռնափոխադրող ընկերությունների, այդ թվում՝ «Սպայկայի», դատարկ մեքենաներն ուղևորվում են Վրաստան, այնտեղ բեռնում թուրքական լոլիկ, որը և արտահանում են ՌԴ։
Մեծ քանակության դեպքում չեն կարողանում բոլոր հետքերը ջնջել, երբեմն լոլիկների վրա մնում է թուրքական մակնշումը, նաև «կարանտին» բանջարեղենը, որն էլ ՌԴ սահմանին «մատնում է» լոլիկի ծագումը։
Իհարկե, հատկապես «Սպայկան» ՌԴ-ում խնդիր ունի շուկան պահելու, դրա համար էլ մեծաքանակ լոլիկ է «հայթայթում»: Կա նաև այլ խնդիր՝ թեև «Սպայկան» ՀՀ-ում ջերմոցային տարածքներ ունի, սակայն ոչ այն քանակությամբ, որն անհրաժեշտ է։ Այդ իսկ պատճառով, ոչ թե տեղի արտադրողներից է լոլիկ գնում, որը թանկ արժե, այլ թուրքական լոլիկ է վերաարտահանում՝ հարվածելով ոչ միայն իր իմիջին, այլև երկրի։
Իհարկե, «Սպայկան» այժմ փորձում է իմիջը փրկել․ ընկերությունում տարբերակներ են մտածում, սակայն քանդելն ավելի հեշտ է, քան տարիներով կառուցած հեղինակությունը պահելը։
Արդեն ռուսական կողմը զգուշացում արել է Գյուղնախարարությանը՝ ավելի մասնագիտորեն աշխատելու համար։ Կա տարբերակ, որ ՌԴ-ն կարող է արգելել ՀՀ-ից բանջարեղենի արտահանումը, քանի որ առաջին անգամ չէ, որ նման խնդիրներ են ի հայտ գալիս: Այս պարագայում մեծ հարված է հասնելու նաև ծիրան արտադրողների համար։
Արդեն սկսվել են ծիրանահավաքի նախապատրաստական աշխատանքները, և եթե ՌԴ-ն որևէ քայլ ձեռնարկի Հայաստանից արտահանվող միրգ-բանջարեղենի առանչությամբ, ՀՀ տնտեսությունը կհայտնվի ճգնաժամի մեջ։ «Սպայկայի» ներդրումն այս առումով իսկական «արջի ծառայություն» է երկրին։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
