Նիկոլ Փաշինյանը պահում է Սերժ Սարգսյանի քաղաքական գիծը

Արդեն ուրվագծվում է պետական պաշտոնների բաշխումը: Նախօրեին վարչապետ Նիկոլ Փաշինյանը նշանակել է ԱԱԾ պետ. նա Արթուր Վանեցյանն է: Նրա նշանակումը միանշանակ չի ընդունվել:

Նշենք, որ նախկին ԱԱԾ պետ Գեորգի Կուտոյանը, երբ նշանակվեց, ԱԱԾ-ում այդ նշանակումը ևս միանշանակ չընդունվեց: Նա ԱԱԾ-ի կադրային քաղաքականությանը համապատասխան, նաև օրենքով սահմանված կարգով՝ համապատասխան ճանապարհ չէր անցել: Նախ պետք է ԱԱԾ պետը փոխնախարարի պաշտոնում աշխատած լինի կամ վարչության պետ, սակայն այս երկու կետերը Սերժ Սարգսյանը հանեց օրակարգից՝ միայն այն բանի համար, որ Կուտոյանը նշանակվի ԱԱԾ ղեկավար:

Կուտոյանից հետո, Սերժ Սարգսյանի հետքերով է գնում նաև վարչապետ Նիկոլ Փաշինյանը. նա ԱԱԾ պետի պաշտոնում նշանակում է մի մարդու, ով ո՛չ փոխնախարար է աշխատել, ո՛չ էլ վարչության պետ:

Ա. Վանեցյանն աշխատել է Էրեբունու տարածքայինի ղեկավար, հետո Երևան քաղաքի վարչության պետի տեղակալ:

Նա համարվում է Թոխմախի Մհերի մտերիմ անձը: Կինը երկար տարիներ աշխատել է ԱԻՆ-ում, իսկ մայրը` նախագահականում, դարձյալ երկար տարիներ:

Բացի այդ, Վանեցյանը սերտաճած է նախկին համակարգին. ըստ օդում կախված լուրերի՝ նա Սերժ Սարգսյանի եղբոր` Սաշիկ Սարգսյանի հետ բեռնափոխադրումներ է իրականացնում. տեղափոխում են Զանգեզուրի պղնձամոլիբդենային կոմբինատի արտադրանքը: Արթուր Վանեցյանի ընկերությունը գտնվում է Արցախի փողոցում, իսկ բեռնատարների համարանիշերի տառերն են AV, այն է` Արթուր Վանեցյան, իսկ մեքենաների համարները վերջանում են 02 կամ 01-ով:

Ի դեպ, Վանեցյանը մինչև ԱԱԾ ղեկավար նշանակումը, 15 օր կադրերի ռեզերվում է եղել, որը, սովորաբար, ենթադրում է աշխատանքից հեռացում, սակայն շաբաթն ուրբաթից շուտ եկավ:

Հաջորդ նշանակումն ավելի արտառոց է, եթե ոչ իսկական կրկես. 30-ը դեռ չբոլորած երիտասարդը, որը բանակում չի ծառայել, չունի որևէ աշխատանքային փորձ, նշանակվում է վարչապետի աշխատակազմի ղեկավար: Նա Էդուարդ Աղաջանյանն է, ծնվել է 1988թ. օգոստոսի 29-ին Երևանում։ 2005թ. ավարտել է «Կուպալյան» մասնավոր վարժարանը։ 2012թ. ստացել է բակալավրի կոչում՝ Մոնակոյի միջազգային համալսարանի բիզնես ադմինիստրացիայի ֆակուլտետ։ 2016թ. ստացել է մագիստրոսի կոչում՝ Մոնակոյի միջազգային համալսարանի ֆինանսական ակտիվների կառավարման ֆակուլտետ։

2014 -2017թթ. զբաղվել է անհատ ձեռնարկատիրությամբ՝ հանրային սննդի կազմակերպման ոլորտում։

2017-ից Երևանի ավագանու անդամ է «Ելք» դաշինքից: Հավելենք, որ ԴիՋեյ է և Զիգզագ ցանցի տնօրենի որդին է:

Ի դեպ, այսօր կառավարության նիստի ժամանակ Նիկոլ Փաշինյանը հանձնարարել է Էդուարդ Աղաջանյանին զբաղվել ՀՀ երրորդ նախագահ Սերժ Սարգսյանի բնակարանի հարցերով, ինչպես ասում էին Հին Հռոմում` օ՜ բարքեր, օ՜ ժամանակներ: