Էդ Հարութը չէ՞ր, որ 1989-1995թթ. բոլոր համերգների հասույթը զոհված ու վիրավոր ազատամարտիկների ընտանիքներին հատկացրեց. Արտավազդ Եղոյան

Դերասան, ռեժիսոր Արտավազդ Եղոյանը ֆեյսբուքյան իր էջում գրառում է կատարել՝ իր զայրույթն արտահայտելով բողոքի ակցիայի նկատմամբ, որն իրականացվեց ԱՄՆ-ում Հարություն Փամբուխչյանի՝ Ձախ Հարութի համերգի ժամանակ: 

«Ախր դուք ի՞նչ գիտեք, թե Հարութը ոնցա խոնարհվում ժողովրդի առաջ։ Մի տականքի սարքած ստոպ կադրով ոգևորվեցիք ու աջ ու ձախ թույն եք շաղ տալիս։ Էդ Հարութը չէ՞ր իր ստադիոնի 6 համերգի ամբողջ հասույթը երկրաշարժից տուժածներին հատկացրել 1989 թ. 1995 թ. բոլոր համերգների հասույթը զոհված ու վիրավոր ազատամարտիկների ընտանիքներին։ Ինչ հեշտ եք ազգային արժեքները աջ ու ձախ մերժում։ Ամոթ ա, խելք հավաքեք։ Փոխանակ հանդուրժողականությամբ միմյանց նայեք։ Պատրաստ եք հոշոտել, թեկուզ մի փոքր սայթաքածին։ Նա բոլոր համերգներին էլ այդպես ա խոնարհվում ժողովրդի առաջ, դեռ 1970 ականներից...Ասեցի լռեմ, մարդ են, կհանդարտվեն։ Ուրեմն նա, ով այսուհետ կխոսի Հարութից վատ տոնով, թող դուրս գա իմ ընկերների ցուցակից։ Ամոթա-ամոթ ձեզ թշնամի ե՞ք գտել... Էդ չե՞ք, դեռ հաղթանակի համը չհասցրինք զգալ, սկսեցիք Հայկոյին փնովել, Նիկոլին փնովել... Ի՞նչ եք բոլորին նույն արշինով չափում։ Այսօր մեր թիրախը ՀՀԿ-ն է։ Որից կարծես թե դեռ չենք ազատվել։ Ուրիշ թրիախ մի փնտրեք։ Զայրույթից հիմա սրտի կաթված կստանամ...»,-: