Եղած-չեղած զբոսաշրջիկների առևտուր՝ Զբոսաշրջային կոմիտեում
Տնտեսական զարգացման և ներդրումների նախարարության զբոսաշրջության պետական կոմիտեն հրապարակել է վիճակագրական տվյալներ առաջին երեք ամսվա ընթացքում զբոսաշրջության վերաբերյալ:
2018թ. հունվար-մարտին Հայաստան ընդհանուր այցելությունների թիվն ըստ քաղաքացիության կազմել է 683.759, աճը նախորդ տարվա նույն ժամանակահատվածի համեմատ կազմել է 14.0 %, որից զբոսաշրջային այցելությունները կազմել է 346.458, աճը կազմել է 16.1 %:
Հետաքրքիր է, որ այս օրերին Զբոսաշրջության պետական կոմիտեի նախագահ Զարմինե Զեյթունցյանն օրերս պատասխանելով հարցին, թե այս օրերին շարժումն ազդե՞լ է զբոսաշրջության վրա, թե՞ ոչ, ասել է, որ զբոսաշրջությունն ամենազգայուն ոլորտն է, և ամեն ինչ կարող է ազդել դրա վրա, դա կարող է լինել երկրաշարժ, բնական աղետ, որևէ քաղաքական իրադարձություն. ամեն ինչ ազդում է զբոսաշրջության վրա:
Ըստ Զեյթունցյանի՝ բազմաթիվ տվյալներ կան, որ եղել են չեղարկումներ, եղել են դեպքեր, երբ ինքնաթիռից իջել են և անմիջապես վերադարձել։
Զարմինե Զեյթունցյանը նաև ենթադրել է, որ ապրիլ, մայիս, հունիս ամիսներին որոշակի անկում կնկատվի՝ կապված Հայաստանում տեղի ունեցող գործընթացների հետ։
Բացի այդ, նա հայտնել է, որ տեղեկացվել են, որ այդ օրերին մոտ 30-40 զբոսաշրջիկ իջել է օդանավակայան, տեսել է՝ ճանապարհը փակ է, հետ է գնացել։
Այսինքն՝ երբ պետք է, Զեյթունցյանը մեկ հայտարարություն է անում, երբ պետք է՝ մեկ այլ։ Իհարկե, Զբոսաշրջային ոլորտի նման մանիպուլյացիան առաջին անգամ չէ և առաջին տարին չէ․ միշտ էլ ցանկացել են ոլորտում հսկայական աճեր ցույց տալ, երբեմն էլ ոգևորվել են։
Մինչև այժմ ոլորտում առասպելական թվեր են ցույց տալիս, իբրև թե լավ ենք աշխատում, երկրում զբոսաշրջությունը զարգանում է, սակայն ստուգումների պարագայում ակնհայտ կդառնա, որ զբոսաշրջիկների մեկ մլն-ից ավելի հոսքը ՀՀ պարզապես ծիծաղելի է։
Այս երկու տարբեր հայտարարություններից էլ պարզ է, որ զբոսաշրջային ոլորտն ինչպես ցանկանում են, այնպես էլ ներկայացնում են․ այսքանից հետո վստահե՞լ ոլորտի պատասխանատուներին․․․․
Ահասարսուռ միջադեպ «ԱՊՐԻ» պահածոների գործարանում․ բեռնատար վերելակը ճզմել է աշխատակցուհու դեմքն ու կ...
Նաիրի Հnւնանյանը ծննդյան արարողությանը մի քանի բաժակ խմելուց հետո հայտարարել էր՝ «հեսա մտնելու ենք Ա...
Եղեգնաձոր համայնքում ՔՊ-ի թեկնածուն ստացել է ձայների 47.8%-ը
Կիրանցի «մածեմածիկան». Ինչ էին ակնկալում, որ Կիրանցում ՔՊ-ն կպարտվի՞ ինքն իրեն
Մարտունի քաղաքում ՔՊ-ի թեկնածուն զիջել է «Մեր համայնքը» դաշինքի թեկնածուին
Ձերբակալվել են ԵՊՀ ամբիոնի վարիչներ Վարդան Այվազյանը և Էդիկ Մինասյանը
«Հերիք է հայրենասիրություն քարոզեք... չկա հայոց պատմություն». ի՞նչ է հրահանգել Փաշինյանն ուսուցիչներ...
ՔՊ-ից կմիանա՞ն ընդդիմությանը. «Հրապարակ»
Գավառում համայնքի ղեկավարի պաշտոնում ընտրվել է Գուրգեն Մարտիրոսյանը
Զինկոմ է կալանավորվել. «Հրապարակ»
