Վարչապետին ընտրեցին. Ժողովրդավարությունը բաց է
Վերջին օրերին Բաղրամյան պողոտան փակ էր փշալարերով և ոստիկաններով, իսկ երբ վարչապետ ընտրվեց Սերժ Սարգսյանը, այսօր արդեն Բաղրամյանը բաց է: Հետաքրքիր է, չէ՞:
Ամեն ինչ արվեց, որ վարչապետի ընտրությունը կայանա, բոլոր պատգամավորները հասան Ազգային ժողով, ընտրեցին վարչապետին, որից հետո արդեն, թե ո՛ր շենքը կփակեն, ո՛ր փողոցը կարգելափակեն կամ կգրավեն, արդեն երկրորդական է:
Իշխանություններն իրենց հատուկ միջոցներով ապահովեցին վարչապետի «գալուստը»՝ և՛ ցուցարարներ կային, և՛ միտինգ, և՛ ոստիկանություն, և՛ քաշքշոց. կարճ ասած՝ Երևանի փողոցներում իսկական ժողովրդավարություն էր՝ բոլոր բաղադրիչների կիրառմամբ:
ՀՀԿ-ն ապահովեց ներկայացման բոլոր կադրերը, գործիքները, տեսարանները:
Ի դեպ, եթե նախօրեին փակ էր Բաղրամյանն՝ ապահովության համար, ապա այսօր բաց է:
Համընդհանուր ուժերով Հայաստանն ընտրեց վարչապետ, իսկ այսօր ցուցարարները շրջափակել էին Բաղրամյան 26-ը. սա արդեն իսկական ժողովրդավարություն է՝ "Freedom House"-ի աչքը մտցնելու համար: Մենք այնքան ժողովրդավար ենք, որ ցույցեր ենք անում, է՛լ ավելի ժողովրդավար ենք, որ միտինգներ ենք անում: Իսկ արդյունքում Մավրն իր գործն արեց և Մավրն արդեն այլ գործեր ունի անելու, իսկ ցուցարարները շրջափակել էին Բաղրամյանը:
Ասում են՝ Հայաստանի ժողովրդավարության գործակիցն արդեն «էն չի», ինչ մի քանի օր առաջ հայտարարել էր "Freedom House"-ը, և որ ժողովրդավարությունն առաջընթաց չի գրանցել: "Freedom House"-ում նաև զարմացած են, թե դեպքերն ի՞նչ արագությամբ են զարգանում ՀՀ-ում. երեկ ՀՀ-ն ոչ ժողովրդավար էր, իսկ այսօր՝ ժողովրդավար: Իսկ ո՞վ է այժմ ժողովրդավարը: Իհարկե, Սերժ Սարգսյանը, ո՞վ է ժողովրդի ընտրյալը: Սերժ Սարգսյանը: Ո՞վ է Ազգային ժողովի ընտրյալը: Իհարկե, Սերժ Սարգսյանը և այսպես շարունակ:
Ի դեպ, արդեն քանի օր է՝ իսկական ժողովրդավարությունը քայլում է Երևանի փողոցներում՝ բարձրացնելով երկրի ազատության վարկանիշը: Հայաստանն արդեն 10 տարի է՝ ունի մեկ բեմադրող-ռեժիսոր՝ իր բազում-բազմաթիվ ասիստենտներով...
Իսկ ի՞նչ էր անելու հայ ժողովուրդը, եթե չծնվեր Սերժ Սարգսյանը. մի անկյունում տխուր-տրտում նստելու էր: Իսկ ի՞նչ էր անելու Նիկոլը, եթե Սերժ Սարգսյանը չծնվեր: Գործ չէր ունենա:
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Մահացել է Մակրոնի կնոջը տղամարդ անվանած լրագրողուհին
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
Կոռուպցիա՞, կամայականությո՞ւն, թե՞... ԿԳՄՍՆ-ն տեղյա՞կ է, որ Գեղարվեստի ազգային ակադեմիայում «մատից հ...
Տավուշում ոստիկանը մեքենայով բախվել է ձիուն և կողաշրջված հայտնվել այգում. նա տեղում մահացել է
Հայաստանի անկախությունը՝ Ադրբեջանի դրոշի գույների ներքո․ պատահականությո՞ւն, թե՞ քաղաքական ուղերձ (տե...
Հայրը հայտնել է, որ դասղեկն ու հոգեբանը բուլինգի են ենթարկում 8-ամյա որդուն, իսկ հոգեբանը, բռնելով ե...
