Մինչ Նիկոլը Երևանի փողոցներում «մերժում է Սերժին», Սերժ Սարգսյանի համար ԱԺ-ում քվեարկում են․ Նիկոլը «քաշեց» ժողովրդին

ՀՀ վարչապետի թեկնածու Սերժ Սարգսյանը քվեարկությունից առաջ դիմեց ԱԺ պատգամավորներին և շնորհակալություն հայտնեց բոլորին՝ արդյունավետ աշխատանքի համար։ 

Նա իր ելույթում ներկայացրեց նաև, թե ըստ Սահմանադրության ինչ լիազորություններ պետք է ունենա նոր վարչապետը։

Զավեշտալին այն է, որ մինչ Նիկոլ Փաշինյանն ակտիվիստների հետ «շրջում էր» Երևանում, կամ, ինչպես ինքն էր ասում, պարզապես զբոսնում էր, պատգամավորները հանգիստ մուտք գործեցին Ազգային ժողովի շենք ու պատրաստվեցին քվեարկությանը։

Իսկ այն ժամանակ, երբ Սերժ Սարգսյանն ԱԺ ամբիոնից ելույթ էր ունենում, Նիկոլ Փաշինյանն ակտիվ բողոքի ակցիա էր իրականացնում՝ կոչ անելով խանգարել քվեարկությունը։

Կասկած չկա, որ գոնե որպես ԱԺ պատգամավոր՝ Նիկոլ Փաշինյանը տեղյակ էր, որ ժողովրդին այդ պահին արդեն պետք է տանի դեպի Բաղրամյան, եթե իսկապես ուզում է խանգարել քվեարկությանը։ Բայց նա ժամանակ էր ձգում ու բացատրում հավաքված հասարակությանը, թե ինչ պետք է անել։

Ու որքան էլ մարդաշատ էր հանրահավաքը, և որքան էլ շատ էին հավատացողները, որ Նիկոլը գնալու է մինչև վերջ, որ ՀՀԿ-ականները վախեցած են, իրականում Սերժ Սարգսյանն իր ելույթի ժամանակ նույնիսկ ակնարկով չանդրադարձավ հանրահավաքին, քանի որ նա թքած ուներ այդ ամենի վրա։ Նրան հանրահավաքը չէր անհանգստացնում, քանի որ նա հանգիստ էր, որ այդ պահին Նիկոլը հեռու է պահում խենթ հանրությանը՝ Աժ տարածքից։

Սարգսյանը հանգիստ ու մանրամասնորեն իր ծրագրերն էր ներկայացնում։

Իսկ Նիկոլը, ինչպես դրա նախօրեին, այնպես էլ քվերակության օրը «քաշեց» ժողովրդին, «քցեց» նրանց՝ ինչպես 10 տարի առաջ՝ մարտի 1-ին։

NEWSPRESS.am