Լիվերպուլյան ապտակ Պեպ Գվարդիոլային․ Պեպի թիմի խայտառակ հանդիպումը

Չեմպիոնների լիգայի այս խաղարկությունն ուժեղագույններից է, քանի որ վերջին տարիների համեմատությամբ այս տարվա խաղարկությանը մասնակցում են Եվրոպայի ամենաուժեղ թիմերը։ Այս ամենի հետ մեկտեղ շատ դժվար է կռահել նաև հանդիպումների հաշիվները։

Ոչ ոք չէր կարող կանխատեսել, որ «ՊՍԺ»-ն կարող է այդպես ծնկի գալ։ Անհավատալի էր «Մանչեսթեր Յունայթեդի»՝ մրցաշարից դուրս գալն ու «Յուվենթուսի» ու «Մանչեսթեր Սիթիի» պարտությունները։

Երբ տեղի ունեցավ Չեմպիոնների լիգայի խաղարկության ¼ եզրափակչի վիճակահանությունը ու պարզ դարձավ, որ «Լիվերպուլը» մրցելու է Գվարդիոլայի սաների հետ, շատերը հաջորդ փուլի ուղեգիրը տվեցին «Սիթիին», սակայն երեկ կատարվեց այն, ինչ արտացոլում է Կլոպի սաների 3-0 հաշվով հաղթանակը։

Կլոպի թիմն ուղղակի «սպանեց» Սիթիին։ Նրանք մեկ խաղակեսում կարողացան լուծել հարցերը, իսկ հաջորդ խաղակեսում ուղղակի մարզում էին անցկացնում։ Մանչեսթերյան ակումը չէր կարողանում ոչինչ անել։ Նրանք նույնիսկ չկարողացան ճեղքել «Լիվերպուլի» առանց այդ էլ թույլ պաշտպանությունը։

Վիճակագրությունը ցույց է տալիս, որ Գվարդիոլայի սաները ոչ մի դիպուկ հարված չեն կատարել «Լիվերպուլի» դարպասին։ Դա վերջին տարիների ամենավատ արդյունքն է։ Այս ամենի հետ մեկտեղ Յուրգեն Կլոպը հանդիպումից հետո նշել է, որ սա դեռ չի ապահովագրում իր թիմի հաղթանակը։ Սիթին 3-0 հաշվով պարտվել է մրցակցի հարկի տակ, ու փաստացի նրանց հաջորդ փուլ դուրս գալու շանսերն ավելի մեծ են, քան «Յուվենթուսինը», ով 3 գնդակ ընդունել է սեփական հարկի տակ։

NEWSPRESS.am Sport