Հայաստանը՝ մեկ դերասանի թատրոն. ո՞վ է ՆԱ

Օրերս թատրոնի մշակները դժգոհում էին ոլորտի խնդիրներից՝ մարդիկ չեն գնում ներկայացումներ դիտելու, քիչ են որակյալ բեմականացումները, դերասաններն այն չեն, իսկ ռեժիսորները՝ ով պատահի: Կարճ ասած՝ թատերական աշխարհի խնդիրները բազմազան են, իսկ լուծման ճանապարհները՝ անհայտ:

Սակայն մոռացել էին, թե ՈՎ կարող էր բարձրացնել թատրոնի վարկը, ՈՎ է դուրս մնացել թատրոնի շրջանակներից, ՈՎ կարող է այնպես խաղալ, որ ուզեն-չուզեն ծափահարեն, ՈՎ կարող է այնպես մտնել բեմ, որ ոչ ոք չհասկանա, թե որտեղից եկավ և որտեղից հայտնվեց բեմահարթակում։

Ոչ ոք այդպես էլ չի կարողանում բացատրել, թե ինչու ՆԱ հայտնվեց ընդհանրապես, չէ՞ որ ՆՐԱ տեղը կուլիսներում էր և կա՞ր արդյոք ՆՐԱ անհարժշետությունը բեմում, թե՞ ոչ։ Եվ ինչպես բոլորը մնացին կուլիսներում, իսկ ՆԱ բարձրացավ բեմահարթակ․ այնտեղ, որտեղ ոչ ոք ՆՐԱՆ չէր սպասում։

Ինչպե՞ս կարողացավ համոզել, հանրագումարել, տարաբաժանել բոլոր դերակատարներին, որ երկրի բեմահարթակի գլխավոր դերը հանձնեն իրեն, ո՞վ կարողացավ գնել մուտքի բոլոր տոմսերը, ո՞վ կարողացավ թատրոնն ապահովել հանդիսականներով։

Ո՞Վ կարողացավ բոլորին բերել թատրոն, Ո՞Վ էր, որ առանց նախապատրաստության և փորձերի սերտեց գլխավոր դերը, Ո՞Վ կարողացավ առաջ անցնել թատրոնի բոլոր դերասաններից և իրենով անել գլխավոր դերը, Ո՞Վ կարողացավ բոլորին համոզել, որ հենց իրեն տրվի գլխավոր հերոսի բոլոր մրցանակները, Ո՞Վ կարողացավ բեմի վրա լինել միայնակ, իսկ բոլոր դերակատարներն անցան ընդհատակ կամ կուլիսներ։

Ո՞Վ կարողացավ ստեղծել մի կերպար, որը 10 տարի մնաց բեմում և դեռևս հայտնի չէ, թե ինչքան է շարունակելու բեմական հաղթարշավը։ Ո՞Վ կարողացավ ԻՐ կերպարը պարտադրել հանդիսականին և ներշնչել, որ ԻՆՔՆ է բեմի միակ դերասանը, և դա բնական անհրաժեշտություն է։

Ո՞Վ կարողացավ ստիպել դրամատուրգներին ստեղծել հենց այնպիսի պիես և այնպիսի կերպար, որը միայն ԻՐ համար է ստեղծված և դեռևս ժամանակ է պետք, որպեսզի վերլուծեն կերպարը, մտնեն կերպարի մեջ, հասկանան դերը և բացատրեն, թե ինչո՞ւ, ինչպե՞ս և ի՞նչ պայմաններում է ՆԱ հայտնվել հայոց բեմահարթակում, մնացել 10 տարի, և ևս 10 անհայտ տարիներ շարունակելու է մնալ՝ որպես գլխավոր դերակատար և, ի վերջո, ի՞նչ է անելու բեմը՝ թոթափելու մշտենջենական կերպարը հայկական բեմահարթակից։

NEWSPRESS.am