«Ախպերներ, ցավներդ տանեմ, հայրենիքը վտանգի մեջ է, եկեք»․ Ազատության հրապարակում նստացույցը շարունակում են (տեսանյութ)

Վորոլդյա Ավետիսյանն իր համար լռության օր է հայտարարել։ Այդ մասին նա հայտնեց NEWSPRESS.am-ին Ազատության հրապարակում, որտեղ արդեն 8 օր է՝ Վոլոդյա Ավետիսյանն ու իր գաղափարակից ընկերների հետ նստացույց են անում։

Նստացույցի առիթ դարձավ «Ժիրայր Սեֆիլյանի և մյուսների» գործով հրապարակված դատավճիռը, սակայն այսօր արդեն ակցիայի մասնակիցները նոր քարտեզ են ներկայացնում․ սպասել ապրիլի 9-ին՝ կառավարության ու նախագահի հրաժարականին, որից հետո թույլ չեն տա Սերժ Սարգսյանին վերադառնալ իշխանություն։

NEWSPRESS.am-ն Ազատության հրապարակում խոսեց ակցիայի մյուս մասնակիցների հետ։ Պատասխանելով հարցին՝ ազատամարտիկները նկատեցին, որ ընդդիմադիր ոչ մի գործիչ, գոնե առայժմ, իրենց չի միացել և ցանկություն չի հայտնել միանալու։ Զարուհի Փոստանջյանն այս օրերին մի անգամ է այցելել մասնակիցներին, իսկ Նիկոլ Փաշինյանի մասին ոչինչ չեն ուզում լսել։

«Եթե մեկը լակեյ ա ուրիշի ոտքերի տակ, ես նրա անունը չեմ ուզում լսել, ես նրան չեմ ճանաչում»,- մեզ հետ զրույցում ասաց ազատամարտիկներից Պարգևը։

«Էս խաբեբա մկները եկան, ստից խոսացին ու փախան-գնացին․․․ եկեք կրակենք, դուք մեզ վրա, մենք՝ ձեզ, իրար սպանենք։ Չէ՞ որ էն զոհված ոստիկանն էլ ա մերը, զոհված ազատամարտիկներն էլ»,- ասաց Պարգևն ու դիմեց կոչով ազատամարտիկներին․ «Ախպերներ, ցավներդ տանեմ, հայրենիքը վտանգի մեջ է, եկեք, կանգնեք Վալոդյայի կողքը․․․․ (բռունցքն է բարձրացնում)․․․ ես էլ ասելու բան չունեմ»։

Հիշեցնենք, որ «Արժանապատիվ ազատամարտիկ» ՀԿ նախագահ Վոլոդյա Ավետիսյանը 2014-ի ամռանը 6 տարվա ազատազրկման էր դատապարտվել, իսկ 2017-ի մայիսին ազատ է արձակվել համաներման արդյունքում:

Մանրամասները՝ տեսանյութում