Շոու-շոու  մինչև  դեկտեմբերի 6 . ասպարեզ են դուրս եկել  քաղաքական շոումենները

Դեկտեմբերի 6-ը համաժողովրդական հանրաքվեի օր է` ասա այո կամ ոչ Սահմանադրությանը, կամ էլ ընդհանրապես բոյկոտի ու նստի տանը:

Իրականում սա սահմանադրության բարեփոխում չէ , այլ նոր սահմանադրություն կառավարման նոր համակարգով` առաջարկված հին տերերի կողմից:  Առաջարկվող տարբերակով  մեր երկիրը պետք է կիսանախագահականից անցում կատարի խորհրդարանական  կառավարման նոր համակարգի: Քաղաքական որոշ ուժեր այս տարբերակը միանգամից չընդունեցին`  բացատրելով, որ այն խարխլում  է պետության հիմքերը,  ապահովում  գործող իշխանության վերարտադրությունը, որոշներն էլ շտապեցին հակադարձել, թե նոր սահմանադրությունը մեզ կտա նոր կյանք`  նոր որակով: Իրականում որևէ երկրում անկախ կառավարման համակարգից չկա վատ Սահմանադրություն: Այստեղ կարևորն այն է,  թե որքանով են իշխանությունները պահպանում այդ Սահմանադրության դրույթները և որքանով են գործում դրույթներին համապատասխան:

Աշխարհի ամենազարգացած պետություններում, ինչպիսիք են ԱՄՆ-ն` գործում է կառավարման նախագահական համակարգ, Գերմանիայում և Իսրայելում` խորհրդարանական, իսկ Ռուսաստանում` կիսանախագահական համակարգ: Իրականում այս պետությունների  հզորության և զարգացվածության աստիճանը կախված չէ ոչ սահմանադրության տեքստից, ոչ էլ կառավարման համակարգից: Հայաստանում էլ  է այդպես…

Ամեն ինչ կախված է քաղաքական շոուից. եթե շոուն բարեհաջող է մատուցվում ապա շոումենները հաստատ շահում են : Օրեր  առաջ հանրապետության ողջ տարածքում` հյուսիս-հարավ,արևելք- արևմուտք ուղղություննեևով սահմանադրական շոուի ցիկլոնը քամու համադրությամբ  տարածվեց: Ինչու «այո» և ինչու «ոչ». մեկնարկը տրված է:  Քաղաքական ու հասարակական շոումեններ,ը հնարավոր ջանքեր ներդնելով, ուզում են այո-ի ու ոչ-ի պատասխաները  տեղ հասցնել հանդիսատեսին ` այն ակնկալիքով, որ դեկտեմբերի 6-ին քվեարկության այսպես ասած «տոմսերի » մեծ մասը սպառված լինի:

Եվ այսպես`  քաղաքական շոուի գործընթացը տեղափոխվում է նախ  «զագս»,  կոնկրետ հարցադրումով`  ինչպես է սոցիալիստական գաղափարներ կրող Դաշնակցությունը ամուսնանում բուրժուազիայի  հետ: Պատասխանն առավել քան հստակ է`  քանի դեռ չունենք գաղափարական կուսակցություններ խորհրդարանական համակարգին ացնելն անիմաստ է: ՈՒ հենց այդ պահին շոուի մասնակիցներից  մեկի շութերով էլ հնչում է կարևոր թեզը «խորհրդարանական մոդելը լավագույնս կապահովի մեր երկրի անվտանգությունը»:

Բայց այստեղ էլ ամեն ինչ հօդս է ցնդում, երբ հնչում է հաջորդ թեզը հյուսիսից` իշխանություններն ուզում են արյան գնով պահել իրենց աթոռները: Մինչդեռ իրականությունը մեկն է` հասարակության կողմից բացառապես անտարբերություն կա  թե’ այս շոումեների ու թե’  նրանց կողմից առաջարկվող  փաստարկների նկատմամբ,  իսկ Սահմանադրության փոփոխության բովանդակությունը շարքային ընտրողին  չի էլ հետաքրքրում, քանի որ այն առաջարկում է գործող իշխանությունը իսկ ընտրության գործընթացը վերապահված է այն հանձնաժողովականերին, ովքեր տարիներ շարունակ կեղծել են տարբեր ընտրություններ`  բարեփոխված ընտրական օրենսգրքի պայմաններում: Այնպես որ շոո~ւ- շոո~ւ մինչև դեկտեմբերի վեց: