«Արսենալի» խայտառակությունը, սպառված Վենգերն ու ծաղրի ենթարկվող Մխիթարյանը

Անգլիայի առաջնության հերթական տուրում պարտություն կրեց «Արսենալը»։ Այս անգամ լոնդոնցիները 2-1 հաշվով զիջեցին համեստ «Բրայթոնին»։ Արդեն վերջին մի քանի խաղից հետո ավանդույթ է դարձել, որ թիմի երկրպագուներն ակումբի թվիթթերյան միկրոբլոգում քննադատեն ֆուտբոլիստներին, Արսեն Վենգերին ու ամբողջ թիմին։

Երեկ՝ հանդիպման ժամանակ, լոնդոնցիների գլխավերևում պահվող գրառումները՝ “Wenger Out” շատացել էին։ Արդեն հիմա «Արսենալի» երկրպագուները նշում էին, որ չեն ցանկանում թիմին տեսնել Եվրոպալիգայի գավաթով, քանի որ այդպես մյուս մրցաշրջանում նույնպես կտեսնեն Արսեն Վենգերին։ Իսկ մասնագետները նշում են, որ ֆրանսիացի մարզիչն արդեն սպառել է իրեն։

Անգլիական սպորտային պարբերականներն էլ չեն դադարում քննադատել ֆուտբոլիստներին՝ Մխիթարյանին ու Օբամեյանգին, ովքեր դեռ չեն կարողանում ցուցադրել իրենց լավագույն խաղը։ Մյուս կողմից պետք է նշել, որ ձախողված թիմում փայլողներն չեն լինում, քանի որ այդկերպ կփայլի նաև թիմի առջևի գիծը։

Անգլիացի սպորտային վերլուծաբաններն էլ նշում են, որ Հենրիխ Մխիթարյանն այս 2 ամսվա ընթացքում ավելի շատ պարտություն է կրել, քան «Մանչեսթերի» հետ անց կացրած մի ամբողջ մրցաշրջանում։ Հենրիխին ծաղրում են երկրպագուները թիմի թվիթթերյան միկրոբլոգում և նշում, որ Մխիթարյանին պետք է հիշեցնել, որ նա խաղադաշտում է։

«Արսենալում» շատ լարված իրավիճակ է։ Թիմը, մեղմ ասած, վատ վիճակում է։ Եվրոպալիգայում «Միլանից» պարտություն կրելու դեպքում, հավանաբար, կհեռացնեն Վենգերին։ Սրանք հարցեր են, որոնց պատասխանը պարզ կդառնա որոշ ժամանակ հետո։ Վենգերը փորձում է գտնել տարբերակներ, թիմը գնալով հեռանում է ֆուտբոլից, իսկ պարբերականները շարունակում են քննադատել ու ծաղրել Մխիթարյանին։

NEWSPRESS.am Sport