Ի՞նչ կարող է անել Արսեն Վենգերը, երբ «Արսենալի» պաշտպանները գտնվում են «հիպնոսի» ազդեցության տակ

Երեկ Լոնդոնի «Արսենալը» հերթական անգամ ապացուցեց, որ բավականին հեռացել է պաշտպանական գործողություններից ու թիմ կոչվող հասկացությունից։ Որքան էլ քննադատեն Արսեն Վենգերին, սակայն հանուն արդարության պետք է նշենք, որ «Արսենալի» մոտ ոչ թե տակտիկական խնդիրներ կան, այլ պաշտպաններն ուղղակի դիտում են, թե մրցակիցներն ինչպես են իրենց շրջանցում։

Փաստացի «Արսենալում» բացակայում է հենակետային գոտին ու պաշտպանությունը։ Երեկվա խաղում հստակ երևում էր, որ թիմն առջևի գծում կատարում է իր աշխատանքը, սակայն երբ գնդակը կորցնում է, ամեն ինչ դառնում է վատ ու ցավալի։

«Մանչեսթեր Սիթիի» դեմ խաղում լոնդոնցիների առջևի գիծը կատարում էր իր պարտականությունները։ Մխիթարյանը, Օզիլը, Ուելբեքն ու Օբամեյանգը գտնում էին տարբերակներ, փորձում ստեղծել վտանգավոր պահեր ու ճեղքել մրցակցի պաշտպանությունը, սակայն հենակետային գոտին ու պաշտպանությունը գտնվում էր արձակուրդում։

Երեկվա հանդիպումից հետո երկրպագուներն ու մասնագետները սկսեցին հեռացնել Վենգերին, սակայն ֆրանսիացուն առաջին պաշտպանողը եղավ հենց Պեպ Գվարդիոլան, ով սատարեց իր կոլեգային։

Վենգերն իր մեղքի բաժինն ունի նույնպես, սակայն ֆրանսիացին ոչինչ չի կարող անել, որ թիմի պաշտպանները կանգնում են ու նայում, թե ինչպես են իրենց շրջանցում մանչեսթերյան ակումբի ֆուտբոլիստները։ «Արսենալում» պետք է մոտիվացնեն պաշտպաններին, ովքեր շատ են հեռացել իրենց հասանելի գործողություններից։ Անգամ առջևի գծում չեն կարողանում ինչ-որ բան անել։ Առաջիկա 2-3 հանդիպման ընթացքում Վենգերը պետք է մոտիվացնի պաշտպաններին։ Առջևում Եվրոպալիգայի հանդիպումն է, որտեղ լոնդոնցիները բախվելու են Գատուզոյի սաների հետ։

NEWSPRESS.am Sport