«Աղջիկը», ումից կարելի է սովորել… ոչինչ

Այն, որ որոշ հեռուստաընկերությունների եթերները և շատ կայքեր լցվել են աղբով, անհերքելի ճշմարտություն է, որը դառնում է խրոնիկ։

Այս ախտորոշմամբ տառապողների հիմնական խնդիրը լսարան ապահովելն է, որի համար էլ նրանք օգտագործում են բոլոր միջոցները՝ ընդհուպ մինչև բաց հետույքների ու կրծքերի ցուցադրում։ Ցանկացած հասուն ու գիտակից մարդ, իհարկե, ինքն է ընտրում, թե ինչ նայի, սակայն չի բացառվում, որ էկրանի առջև հայտնվեն բազմաթիվ երեխաներ։

Սա, իհարկե, առանձին պատմություն է։

Այս պարագայում խոսքը ոմն Լիլիթ Մարտիրոսյանի մասին է, ով ներքնազգեստով ներկայացել է հեռուստաընկերություն։ Չենք քննարկում այն, թե ինչպես հիացած հաղորդավար-տղամարդիկ նրա այդ քայլը համարձակություն որակեցին։ Անհասկանալի այս տրամաբանությամբ կարելի է ասել, որ համարձակ է ամեն մի երկրորդ մարդ, ով մերկ դուրս կգա փողոց։

Այստեղ խնդիրն այն է, որ իրեն ոճաբան հռչակած, հանրությանը հայտնի Լիլի Մորտոն թերևս ոճաբան է այնքանով, որ ձևել է իր մարմինն ու կարկատել այն։ Նրան այնքան է հրապուրել իր բարեմասնությունները, որ նա չի թաքցնում այն և ի ցույց է դնում։ Այս մասին նա ինքը չի թաքցնում։

Ցույց է տալիս, լավ է անում, իր գործն է․ այդ ցուցադրությունը կոմպենսացնում է նրա ուղեղի հետ կապված խնդիրները։ Ու չնայած դրան՝ նրան շարունակում են կանչել հարցազրույցների։ Նրանից ի՞նչ կարելի է սովորել՝ ոչինչ․․․

Ասում են՝ Լիլին մինչ ցհանրահայտ» դառնալն աշխատել է «ՍԱՍ»-ում, այսինքն՝ իր «կարիերան» սկսել է, ներողության արտահայտության համար, «սաս»-ից։

Նա հարցազրույցներից մեկում պատմում է, թե ինչպես են անծանոթ տղաները քաշում իր ականջակալներից, քաշում ձեռքերից ու խփում հետույքին։ Ու նրա մտքով անգամ չի անցնում, որ այս ամենի պատճառը ոչ թե երիտասարդների լկտիությունն է, ինչպես ինքն է ասում, այլ իր վուլգար պահվածքը։ Լիլին անկեղծ չի զանազանում գեղեցիկը՝ վուլգարից։ Եվ չի կարող: Հաղորդումներից մեկի ժամանակ էլ նա չի կարողանում պատասխանել հարցին, թե երբ ու ինչ գիրք է կարդացել վերջին անգամ։ Լիլին հիմար հայացքով նայում է իրեն այդ հարցն ուղղած հաղորդավարուհու դեմքին։

Եվ հիմա էլ «Արմնյուզի» եթերը, որտեղ նա ներկայացել է տաղավար՝ մերկապարուհու հագուստով։

Սա ոչ թե համարձակություն, այլ սանձարձակություն է՝ օրը ցերեկով, տհաճ և անկեղծ, հավատացեք, որ հաստատ աչք չի շոյում։

Հ․Գ․Այսքանն ընթերցելուց հետո՝ միանգամից ուզում ենք հարցնել բոլոր այն տղամարդկանց, ովքեր հիմա քար կնետեն մեզ վրա և կասեն, թե չարախոսում ենք․ Դուք՝ անձամբ, ի՞նչ կանեիք, եթե նման տեսքով փողոց դուրս գար Ձեր տան իգական սեռի ներկայացուցիչը՝ լինի մայր, կին, թե քույր։ Պատասխանը պարզ է՝ դա նորմալ երևույթ չէ։