Համագործակցե՞լ Հովիկ Աբրահամյանի հետ
Հովիկ Աբրահամյանի «շնորհազրկումից» հետո մարզում տնտեսական կյանքը քիչ թե շատ ակտիվացել է․ նախկինում հատկապես գլխավոր ճանապարհների վրա որևէ իրացման կետ ունենալը դժվար էր, քանի որ ոչ պաշտոնական միջոցներով խոչընդոտում էր իրացման կետերի գործունեությունը։
Մարզում դժվար էր սգո ծառայություններ մատուցել, քանի որ այս բիզնեսը պատկանում էր և է Արգամ Աբրահամյանին, իսկ իրացման՝ հատկապես փոքր, կետերը խոշոր սուպերմարկետների տարածքում գրեթե չէին գործում. նախկինում պարզապես չէին թողնում։
Չար լեզուներն ասում էին, որ մարզում գործող գրեթե բոլոր իրացման կետերը կամ ծառայություն մատուցող ընկերությունները մասնավոր որոշակի մուծումներ էին անում Արտաշատի Սուրբ Հովհաննես եկեղեցու ֆոնդին կամ էլ ֆոնդն էր այդպես կոչվում, որն ի վերջո կառուցվեց, սակայն արդեն Հովիկ Աբրահամյանի բարձր հովանու ներքո։
Ասում էին նաև, որ եկեղեցու կառուցմանն այնպիսի խոշոր գումարներ էին փոխանցվել տարբեր անձանց կողմից, որոնց մեջ Հովիկ Աբրահամյանի ներդրումները, եթե իհարկե եղել են, առոչինչ են։
Հատկապես Մխչյան համայնքի տարածքում, բացի Աբրահամյանների կլանից, այլ անձի պատկանող իրացման կետ նախկինում գրեթե չկար, իսկ վերջին շրջանում ավելացել են։
Թեև խոսվում է Հովիկ Աբրահամյանի «շնորհազրկման» մասին, սակայն դեռևս շարունակվում է նրա և իշխանական օղակների ներկայացուցիչների անունները հոլովվել՝ հատկապես համատեղ ձեռնարկումների շրջանակներում։ Շշուկներ կային, որ Արարատի մարզում սկսվում է նոր ձկնաբուծարանի հիմնումը, որի 50 տոկոս սեփականատերը Հովիկ Աբրահամյանն է, իսկ 50 տոկոսի սեփականատերը՝ իշխանական վերին օղակներից։
Չի բացառվում, որ նման շշուկները լինեն ճշմարտություն, քանի որ Արարատյան դաշտի ստորգետնյա ավազանը միայն իշխանության թույլտվությամբ հնարավոր էր դատարկել։
Տարիներ շարունակ Աբրահամյան ընտանիքը շահագործում էր մերձարաքսյան ավազի հանքերը, որի հետևանքով Արաքս գետի հունը տեղափոխվել էր դեպի Հայաստանի տարածք, և դրա համար ոչ ոք պատասխան չտվեց։
Այնպես որ՝ ներկայումս մի ձեռքով իշխանությունը հարվածում է Աբրահամյանին, մյուս ձեռքով՝ շոյում։ Քաղաքական անհնազանդության դեպքում այն բոլոր սխալների աստղաբույլը, որը թույլ է տվել այս ընտանիքը, կհանվի ջրի երես, իսկ իր տեղը խելոք նստելու դեպքում՝ իշխանությունը տնտեսապես կհամագործակցի, քանի որ, ինչպես ասում են, հանուն շահի հնարավոր է անգամ սատանայի հետ համագործակցել՝ մինչև նրա սատանայությունը։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
