Կարիմ Բենզեմայի խայտառակ ցուցանիշը

Վերջին մի քանի հանդիպումներում Մադրիդի «Ռեալը» կամաց-կամաց վերականգնում է իր մարզավիճակը: Կարծես թե Զինեդին Զիդանը գտել է թիմի restart-ի բանալին: Ֆրանսիացի մասնագետը մոտիվացրել է թիմին ու ֆուտբոլիստներին, ովքեր հիմա բարելավել են իրենց խաղը և ձեռք են բերել երկրորդ շնչառություն: Այդ ամենին գումարվեց նաև Չեմպիոնների լիգայում ֆրանսիական «ՊՍԺ»-ի նկատմամբ տարած փայլուն ու հստակ հաղթանակը:

Սակայն այս ամենի հետ մեկտեղ ֆուտբոլային մեկնաբաններն ու «Ռեալի» երկրպագուներն ու ֆուտբոլիստները շարունակում են քննադատել Բենզեմային: Նրանք չեն կարողանում հասկանալ, թե ինչո՞ւ է խաղում մեկնարկային կազմում մի հարձակվող, ով գոլեր չի հեղինակում ու ցուցադրում է շատ վատ խաղ: Իսպանիայի առաջնության հերթական տուրում «Ռեալը» 5:3 հաշվով հաղթեց «Բետիսին», որի ժամանակ գոլ հեղինակեց Բենզեման: Այդ գոլից հետո իսպանական պարբերականները սկսեցին ցուցադրել ֆրանսիացու ցուցանիշը:

Պարզվում է, որ Բենզեման վերջին անգամ Իսպանիայի առաջնությունում գոլի հեղինակել է դարձել 2017 թվականի նոյեմբեր ամսին: Հստակ է, որ Բենզեմայի խայտառակ ցուցանիշի մասին գիտի Զիդանը: Եթե դրա մասին խոսում են երկրպագուները, ապա թիմի գլխավոր մարզիչը միանշանակ գիտի այդ մասին: Միայն մեկ հարց է առաջանում, թե մինչև ե՞րբ է Զիդանն իր հայրենակցին խաղացնելու «Ռեալի» կազմում: